Pavlodar oblysynda Bolat Baqaýovqa qatysty sot bastaldy, dep habarlaidy "Ult aqparat".
Memlekettik aiyptaýshy Elena Belova Pavlodar oblysynyń burynǵy ákimi Bolat Baqaýovty memlekettik qyzmette qyzmet atqarý quqyǵynan ómir boiyna aiyra otyryp, úsh jarym jylǵa bas bostandyǵynan aiyrýdy surady. Basty sot protsesi búgin saǵat 11.30-da Pavlodar qalasynda, № 2 qylmystyq sotta bastaldy.
Bolat Baqaýovtyń qorǵaýshysy Ashýrbek Ashýrbekov burynǵy óńir basshysy tergeýmen kelisip, kinásin moiyndaǵanyn jáne keltirilgen shyǵynnyń ornyn toltyrǵanyn málimdedi. Bolat Baqaýov bes balany, onyń ishinde tórt kámeletke tolmaǵan balany tárbielep otyr. Sottalýshynyń qorǵaýshysy Baqaýovtyń múligine salynǵan tyiymdy alyp tastaýdy ótindi.
Protsess mobildi beinekonferentsiia arqyly ótip jatyr, sottalýshy Baqaýov, memlekettik aiyptaýshy, qorǵaýshy jáne BAQ onlain qosyldy. Sottalýshy men onyń qorǵaýshysy, prokýror olardyń beinelerin BAQ betterinde qoldanýǵa qarsylyq bildirmedi.
Esterińizge sala ketsek, osy jyldyń 16 qańtarynda QR Ulttyq qaýipsizdik komiteti Pavlodar oblysynyń ákimi Bolat Baqaýovqa qatysty qylmystyq isti tergep jatqany belgili bolǵan edi.
«Ulttyq qaýipsizdik komiteti 2020 jylǵy 15 qańtarda Pavlodar oblysynyń ákimi Bolat Baqaýovqa qatysty laýazymdyq ýákilettigin asyra paidalaný faktisi boiynsha QR QK-niń 362-baby 2-bóligi 3-tarmaǵy boiynsha tirkelgen qylmystyq iske sáikes jedel-tergeý sharalaryn júrgizdi. Qazirgi ýaqytta tergeý amaldary jalǵasýda. Osy kezeńde tergeý múddesine orai tolyq derekter jariialanýǵa jatpaidy», - delingen UQK aqparatynda.
Bolat Baqaýov 18 aqpannan beri úiqamaqta otyr.
Sáýirde ony úiqamaqta ustaý merzimi mamyr aiyna deiin sozyldy.
