پاۆلودار وبلىسىندا بولات باقاۋوۆقا قاتىستى سوت باستالدى, دەپ حابارلايدى "ۇلت اقپارات".
مەملەكەتتٸك ايىپتاۋشى ەلەنا بەلوۆا پاۆلودار وبلىسىنىڭ بۇرىنعى ەكٸمٸ بولات باقاۋوۆتى مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويىنا ايىرا وتىرىپ, ٷش جارىم جىلعا باس بوستاندىعىنان ايىرۋدى سۇرادى. باستى سوت پروتسەسٸ بٷگٸن ساعات 11.30-دا پاۆلودار قالاسىندا, № 2 قىلمىستىق سوتتا باستالدى.
بولات باقاۋوۆتىڭ قورعاۋشىسى اشۋربەك اشۋربەكوۆ بۇرىنعى ٶڭٸر باسشىسى تەرگەۋمەن كەلٸسٸپ, كٸنەسٸن مويىنداعانىن جەنە كەلتٸرٸلگەن شىعىننىڭ ورنىن تولتىرعانىن مەلٸمدەدٸ. بولات باقاۋوۆ بەس بالانى, ونىڭ ٸشٸندە تٶرت كەمەلەتكە تولماعان بالانى تەربيەلەپ وتىر. سوتتالۋشىنىڭ قورعاۋشىسى باقاۋوۆتىڭ مٷلٸگٸنە سالىنعان تىيىمدى الىپ تاستاۋدى ٶتٸندٸ.
پروتسەسس موبيلدٸ بەينەكونفەرەنتسييا ارقىلى ٶتٸپ جاتىر, سوتتالۋشى باقاۋوۆ, مەملەكەتتٸك ايىپتاۋشى, قورعاۋشى جەنە باق ونلاين قوسىلدى. سوتتالۋشى مەن ونىڭ قورعاۋشىسى, پروكۋرور ولاردىڭ بەينەلەرٸن باق بەتتەرٸندە قولدانۋعا قارسىلىق بٸلدٸرمەدٸ.
ەستەرٸڭٸزگە سالا كەتسەك, وسى جىلدىڭ 16 قاڭتارىندا قر ۇلتتىق قاۋٸپسٸزدٸك كوميتەتٸ پاۆلودار وبلىسىنىڭ ەكٸمٸ بولات باقاۋوۆقا قاتىستى قىلمىستىق ٸستٸ تەرگەپ جاتقانى بەلگٸلٸ بولعان ەدٸ.
«ۇلتتىق قاۋٸپسٸزدٸك كوميتەتٸ 2020 جىلعى 15 قاڭتاردا پاۆلودار وبلىسىنىڭ ەكٸمٸ بولات باقاۋوۆقا قاتىستى لاۋازىمدىق ۋەكٸلەتتٸگٸن اسىرا پايدالانۋ فاكتٸسٸ بويىنشا قر قك-نٸڭ 362-بابى 2-بٶلٸگٸ 3-تارماعى بويىنشا تٸركەلگەن قىلمىستىق ٸسكە سەيكەس جەدەل-تەرگەۋ شارالارىن جٷرگٸزدٸ. قازٸرگٸ ۋاقىتتا تەرگەۋ امالدارى جالعاسۋدا. وسى كەزەڭدە تەرگەۋ مٷددەسٸنە وراي تولىق دەرەكتەر جارييالانۋعا جاتپايدى», - دەلٸنگەن ۇقك اقپاراتىندا.
بولات باقاۋوۆ 18 اقپاننان بەرٸ ٷيقاماقتا وتىر.
سەۋٸردە ونى ٷيقاماقتا ۇستاۋ مەرزٸمٸ مامىر ايىنا دەيٸن سوزىلدى.
