Jyl basynan beri 2 765 aýditorlyq is-shara ótkizildi jáne 156 mlrd teńge somasyna qarjylyq zańbuzýshylyqtar anyqtaldy. Bul týraly QR Qarjy ministri Erulan Jamaýbaev aitty, dep habarlaidy QazAqparat.
«Biylǵy 10 aida 6,2 trln teńgege 758 myńǵa jýyq memlekettik satyp alý rásimine kameralyq baqylaý jasaldy. Tekserý qorytyndysy boiynsha 35 myń rásimnen zańbuzýshylyqtar anyqtaldy, onyń ishinde memlekettik aýdit obektileri buzýshylyqtardy joiý týraly habarlamalardyń 98%-in oryndady», - dedi Qarjy ministri Úkimet otyrysynda.
Sonymen birge, jyl basynan beri 2 765 aýditorlyq is-shara ótkizilgen.
«1 trln 765 mlrd teńge biýdjet qarajaty aýditpen qamtyldy jáne 156 mlrd teńge somasyna qarjylyq buzýshylyqtar anyqtaldy. Taýar jetkizýmen, qyzmet kórsetýmen jáne jumystardy oryndaýmen qalpyna keltirý, biýdjetke óteý jáne esepte kórsetý jolymen 123 mlrd teńgege buzýshylyqtar joiyldy. Aýdit obektileri qyzmetin jetildirý jáne tiimdiligin arttyrý úshin 2,4 myń usynym berildi», - dedi Jamaýbaev.
