جىل باسىنان بەرٸ 2 765 اۋديتورلىق ٸس-شارا ٶتكٸزٸلدٸ جەنە 156 ملرد تەڭگە سوماسىنا قارجىلىق زاڭبۇزۋشىلىقتار انىقتالدى. بۇل تۋرالى قر قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«بيىلعى 10 ايدا 6,2 ترلن تەڭگەگە 758 مىڭعا جۋىق مەملەكەتتٸك ساتىپ الۋ رەسٸمٸنە كامەرالىق باقىلاۋ جاسالدى. تەكسەرۋ قورىتىندىسى بويىنشا 35 مىڭ رەسٸمنەن زاڭبۇزۋشىلىقتار انىقتالدى, ونىڭ ٸشٸندە مەملەكەتتٸك اۋديت وبەكتٸلەرٸ بۇزۋشىلىقتاردى جويۋ تۋرالى حابارلامالاردىڭ 98%-ٸن ورىندادى», - دەدٸ قارجى مينيسترٸ ٷكٸمەت وتىرىسىندا.
سونىمەن بٸرگە, جىل باسىنان بەرٸ 2 765 اۋديتورلىق ٸس-شارا ٶتكٸزٸلگەن.
«1 ترلن 765 ملرد تەڭگە بيۋدجەت قاراجاتى اۋديتپەن قامتىلدى جەنە 156 ملرد تەڭگە سوماسىنا قارجىلىق بۇزۋشىلىقتار انىقتالدى. تاۋار جەتكٸزۋمەن, قىزمەت كٶرسەتۋمەن جەنە جۇمىستاردى ورىنداۋمەن قالپىنا كەلتٸرۋ, بيۋدجەتكە ٶتەۋ جەنە ەسەپتە كٶرسەتۋ جولىمەن 123 ملرد تەڭگەگە بۇزۋشىلىقتار جويىلدى. اۋديت وبەكتٸلەرٸ قىزمەتٸن جەتٸلدٸرۋ جەنە تيٸمدٸلٸگٸن ارتتىرۋ ٷشٸن 2,4 مىڭ ۇسىنىم بەرٸلدٸ», - دەدٸ جاماۋباەۆ.
