Kórneki foto: © Turar Qazanǵapov, Tengrinews.kz
Memleketke quny 1,6 milliard teńge bolatyn orman qorynyń ýchaskesi qaitaryldy, - dep habarlaidy "Ult aqparat" Aqmola oblysynyń prokýratýrasyna silteme jasap.
Vedomstvo málimetinshe, Aqkól aýdanynyń prokýratýrasymen saýyqtyrý, týristik jáne sporttyq maqsattar úshin uzaq merzimge paidalanýǵa berilgen jalpy aýdany 264 gektar orman qorynyń ýchaskesi qaitarylǵan.
Ýchaske 2018 jyldan bastap kózdelgen maqsatta paidalanbaǵan, jaldaý aqysy tólenbegen. Sonymen qatar orman órtteri qaýpiniń joǵary dárejesine qaramastan, olardyń aldyn alý boiynsha is-sharalar júrgizilmei, órtke qarsy josparlar ázirlenbegen.
"Joǵaryda atalǵan mán-jailar aýdan prokýratýrasynyń aktisi boiynsha ýákiletti organmen sotqa júginýge negiz boldy.
Aqmola oblysynyń mamandandyrylǵan aýdanaralyq ekonomikalyq sotynyń sheshimimen uzaq merzimdi orman paidalaný sharty buzylyp, jalpy quny 1,6 mlrd. teńge bolatyn ýchaske memleket menshigine qaitaryldy" - delingen habarlamada.
