Foto: Baq.kz
Memleketke qaitarylǵan jer qoinaýy ýchaskeleri bolashaqta investitsiia tartý úshin aýktsionǵa shyǵarylady. Bul týraly búgin Úkimet otyrysynda QR Energetika ministri Bolat Aqsholaqov aitty, dep habarlaidy QazAqparat.
«Jer qoinaýyn igerý jáne osy salaǵa investitsiia tartý boiynsha belsendi jumys júrip jatyr. Búgingi tańda kómirsýtekter men ýrandy barlaýǵa jáne óndirýge arnalǵan 304 kelisimshart bar. 2022 jyly jer qoinaýyn paidalanýǵa salynǵan investitsiia somasy 5,9 trln teńgeni qurady. Ótken jyly aýktsionda 39 mlrd teńge qol qoiý bonýsy tólenip, 49 jer qoinaýy ýchaskesi berildi. Geologiialyq barlaýǵa málimdelgen investitsiia somasy shamamen 56 mlrd teńge boldy», - dedi Bolat Aqsholaqov.
Onyń atap ótýinshe, jer qoinaýyn paidalanýshylar alǵan kelisimsharttyq mindettemelerdi oryndamai uzaq ýaqyt ustaityn jer qoinaýy ýchaskelerin tekserý boiynsha jumys jalǵasyp jatyr.
«Munai-gaz salasynda júieli buzýshylyqtary bar 27 kelisimsharttyń 12-si buzyldy. 9 kelisimshart boiynsha 1,5 mlrd teńge somaǵa bereshek óteldi, 4 kelisimshart boiynsha sot talap-aryzdary jiberildi. 2 kelisimshart boiynsha-jumys zańnamaǵa sáikes jalǵasýda. Memleketke qaitarylǵan jer qoinaýynyń ýchaskeleri bolashaqta investitsiia tartý úshin aýktsionǵa shyǵarylady», - dedi ol.
