© Sputnik / Abzal Kaliev
Prezidenttiń tapsyrmasy boiynsha memleketke qaitarylǵan qarajat esebinen Túrkistan jáne Aqmola oblystarynda áleýmettik nysandar salynady, dep habarlaidy «Ult aqparat» Sputnik Qazaqstanǵa silteme jasap.
Zańsyz aktivterdi qaitarý jónindegi komissiia "Zańsyz iemdenilgen aktivterdi memleketke qaitarý týraly" zań sheńberinde jumysyn jalǵastyrýda. Barlyq qarajat áleýmettik paidaly maqsattarǵa odan ári qaita bólý úshin Arnaýly memlekettik qorǵa jiberiledi.
Memleket basshysynyń tapsyrmasy boiynsha úkimet Aqmola oblysynyń Zerendi aýylynda quny 2,1 mlrd teńge bolatyn sport keshenin jáne Túrkistan oblysynyń Temirlan aýlynda 890 mln teńge somaǵa mýzyka mektebin salý jónindegi alǵashqy eki áleýmettik jobany iske asyrýǵa Arnaýly memlekettik qordan qarajat bólý týraly sheshim qabyldady.
Bul bastamalar turǵyndardy bilim berý jáne sporttyq qyzmettermen qamtýdy arttyrý úshin aýyldyq jerlerde áleýmettik infraqurylymdy damytýǵa baǵyttalǵan. • Máselen, Aqmola oblysynyń Zerendi aýylynda aýdany 6 myń m2 asatyn, bir aýysymda 80 adamdy qabyldaityn sport keshenin salý josparlanyp otyr. Nysan belsendi turǵyndarǵa bos ýaqytytyn tiimdi ótkizýge múmkindik beredi – aýdanda 14,5 myńnan astam adam júieli túrde sportpen shuǵyldanady.
Jobaǵa sáikes, ortalyqta kúres, boks, shańǵy tebý syndy sport túrlerimen ainalysý úshin jabdyqtalady, 2 jattyǵý zaly qajetti qural-jabdyqtarmen qamtylady. Sondai-aq keshende sportshylardy jattyqtyrý men saýyqtyrý jumystaryn sapaly ári tiimdi júzege asyrý úshin qajetti qural-jabdyq jáne basqa da qosalqy úi-jailar qarastyrylǵan.
Túrkistan oblysynyń Temirlan aýlynda 300 oryndyq jańa óner mektebin salý josparlanyp otyr. 1974 jyly qabyrǵasy karkastan salynǵan qazirgi ǵimarat zamanaýi sanitarlyq jáne órt qaýipsizdigi talaptaryna sai emes, kúrdeli jóndeýge jaramaidy. Soǵan qaramastan búgingi tańda keshen jumys istep tur – ortalyqta 420-ǵa deiin bala oqidy, bul onyń qazirgi qabyldaý múmkindiginen 2 esege artyq, 45 muǵalim sabaq beredi. Jańa joba aýylda óner salasynda qosymsha sapaly bilim alý úshin jaǵdai jasaidyi. Balalar jaily ortada mýzykamen, horeografiiamen ainalysýǵa múmkindik alady.
Búgingi tańda Arnaýly memlekettik qorda 177 mlrd teńge jinaqtalǵan. Bul qarajattyń barlyǵy áleýmettik jáne infraqurylymdyq obektilerdi salýǵa, basqa da áleýmettik mańyzdy maqsattarǵa, sonyń ishinde densaýlyq saqtaý, bilim berý, buqaralyq sport jáne t. b. salalardaǵy jobalardy iske asyrýǵa baǵyttalatyn bolady. Zańsyz iemdenilgen aktivterdi memleketke qaitarý máseleleri jónindegi komissiiany premer-ministr basqarady, jumys organy – QR Bas prokýratýranyń Aktivterdi qaitarý jónindegi komiteti.
