Murat Dosmuratov. Foto: kmg.kz
Qarjylyq monitoring agenttigi "Atyraý munai óńdeý zaýyty" JShS burynǵy bas direktory Murat Dosmuratovqa qatysty qylmystyq isti aiaqtady, - dep habarlaidy «Ult aqparat» Tengrinews.kz-ke silteme jasap.
Tergeý qyzmettik ókiletin qyzmet múddelerine qaishy paidalaný deregi boiynsha júrgizilgen, bul memleketke asa iri zalal túrinde aýyr zardaptarǵa ákep soqtyrdy.
"Murat Dosmuratov 2022-2023 jyldar aralyǵynda jetkizýshiniń jetkizilgen jabdyqqa tiesili kepildik merzimi ýaqytynda AMÓZ qarajatynan aqshalai qarajatty negizsiz bólip, jalpy somasy 1,9 milliard teńgege tehnologiialyq jabdyqty jóndeý boiynsha tiisti shart jasasty dep kúdiktelip otyr. M.A.Muratovqa qatysty úiqamaq túrindegi bultartpaý sharasy tańdaldy", - delingen habarlamada.
QR QPK-niń 201-babyna sáikes tergeý múddesindegi ózge de aqparat jariialanbaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
