Qaraǵandy oblysynda 250 millionnan astam teńgeni zańsyz qolma-qol aqshaǵa ainaldyrý dereginiń joly kesildi. Bul týraly QazAqparat Qarjylyq monitoring agenttigine silteme jasap habarlaidy.
Salyqtar – bul memlekettik biýdjetke tólenetin mindetti tólem. Bul qarajat mektepter, aýrýhanalar salýǵa, azamattardyń keibir sanattaryna: kóp balaly otbasylarǵa, tabysynan aiyrylǵan adamdarǵa, múgedekterge jáne basqa da tulǵalarǵa járdemaqy tóleýge bólinedi.
Qarjylyq monitoring agenttigi turaqty negizde salyq tóleýden jaltarýǵa járdemdesý derekterin anyqtaidy jáne olardyń jolyn kesedi.
Agenttiktiń Qaraǵandy oblysy boiynsha aýmaqtyq departamenti qarajatty zańsyz qolma-qol aqshaǵa ainaldyrý jáne salyq tóleýden jaltarýǵa yqpal etý deregi boiynsha oblys turǵyny M. N yǵmetti qamaýǵa aldy.
Tergeý áreketteriniń nátijesinde azamat M.Nyǵmet qurylys-montajdaý jumystaryn oryndaýǵa mamandanǵan «Promtehstroi 2010» JShS jarǵylyq kapitalynyń 100% úlesin satyp alǵany anyqtaldy.
Alaida JShS atynan «KZ VEFA-STROY» JShS-men jasalǵan sharttar somasynyń 7% mólsherindegi syiaqy úshin 258 million teńgege jalǵan mámileler jasaldy, zańsyz shot-faktýralar jazyp berildi. Qurylys jáne montajdaý boiynsha qyzmetter is júzinde kórsetilmegen.
Memleketke tólenbegen salyqtar túrinde 82 million teńgeden astam somaǵa zalal keltirildi.
M.Nyǵmet 1,5 jylǵa bas bostandyǵyn shekteý jazasyna tartyldy.
