Foto ashyq derekkózden alyndy
QMA elordalyq departamenti jumysty, qyzmet kórsetýdi jáne júkterdi jóneltýdi naqty oryndamai, jalǵan shot-faktýralardy jazyp berý faktisi boiynsha bir top tulǵaǵa qatysty qylmystyq isti tergeýdi aiaqtady, dep habarlaidy "Ult aqparat" Qarjylyq monitoring agenttigine silteme jasap.
2021 jylǵy qyrkúiekten 2022 jylǵy naýryzǵa deiin bir top tulǵa múliktik paida alý maqsatynda naqty qyzmetter kórsetpei, jumystardy oryndamai jáne taýarlardy jóneltpesten, baqylaýdaǵy jeke kásipkerlik sýbektileriniń atynan shot-faktýralar berý boiynsha is-áreketterdi jasaýǵa járdemdesken.
Olar óz áreketterimen memleketke ótelmegen 1 mlrd teńgeden astam salyq somasynda asa iri kólemde ziian keltirgen.
"Sot úkimimen uiymdasqan qylmystyq top músheleri kináli dep tanylyp, 3,5 jyldan 4,5 jylǵa deiin bas bostandyǵynan aiyryldy" - delingen agenttik habarlamasynda.
