Biyl Qazaqstannyń Soltústik, Aqtóbe jáne Shyǵys Qazaqstan oblystarynda klimattyq jaǵdailarǵa bailanysty shalǵyn kóbeleginiń jappai kóbeiý qaýpi ósip otyr.
Ministrlik tarapynan osy ziiandy organizmniń naqty taralý ortasyn anyqtaý úshin qajetti fitosanitariialyq tekserýler júrgizildi, dep habarlaidy "Ult aqparat" QR Aýyl sharýashylyǵy ministrliginiń baspasóz qyzmetine silteme jasap.
Búgingi tańda 306,59 myń ga jer zertteldi, jalpy taralý aýdany 16,979 myń ga quraidy, onyń ishinde Aqtóbe oblysynda taralý aýdany 2,892 myń ga quraidy. Ziiankestiń memlekettik qordaǵy jerlerdiń aram shópterinde, sondai-aq dándi jáne maily daqyldar egistikteriniń boiynda taralýy baiqalady.
Aýyl sharýashylyǵy ministriniń mindetin atqarýshy Qarashókeevtiń tapsyrmasy boiynsha Agroónerkásip keshenindegi memlekettik inspektsiia komitetiniń tóraǵasy A. Mars Aqtóbe oblysyna shalǵyn kóbelegine qarsy kúres jáne qorǵaý sharalaryn júrgizý boiynsha, jumystardy uiymdastyrý jáne qajetti basqarýshylyq sheshimder qabyldaý úshin is-saparǵa jiberildi.
Aita ketý kerek, AÓK damytýdyń 2017-2021 jyldarǵa arnalǵan memlekettik baǵdarlamasy aiasynda, aýyl sharýashylyǵy taýaryn óndirýshiler men biznes ókilderiniń bastamalaryna sáikes, 2020 jyldan bastap shalǵyn kóbelegine qarsy qorǵaý sharalaryn júrgizý jónindegi jaýapkershilik pestitsidter qunynyń shyǵyndaryn 50% - ǵa deiin óteý úshin sýbsidiialar bere otyryp, jergilikti atqarýshy organdardyń quzyretinen, aýyl sharýashylyǵy taýaryn óndirýshilerdiń quziretine berilgen.
Biyl pestitsidterdi sýbsidiialaýǵa jalpy 32,3 mlrd.teńge, onyń ishinde Aqtóbe oblysyna 545,8 mln. teńge bólingen.
Tehnikalyq qaita jaraqtandyrý boiynsha investitsiialyq sýbsidiialar berý aiasynda sharýa jáne fermerlik qojalyqtarǵa ósimdikterdi qorǵaý quraldaryn engizý boiynsha búrikkishterdi arzandatý úshin ózdiginen júretin búrký tehnikasy qunynyń 50% - yna deiin sýbsidiialaý kózdelgen, sondai-aq traktorlardyń quny arzandatylatyn bolady. Otandyq óndiris traktorlary boiynsha qunynyń 30% - yna deiin, importtyq óndiris úshin 25% - yna deiin sýbsidiialaý kózdelgen.
«Qazirgi ýaqytta Aqtóbe oblysynyń ákimdigi 2,2 myń ga alańda himiialyq óńdeý júrgizýge qarjy bóldi. Qorǵaý is – sharalaryn júrgizý tiimdiligi joǵary búrikkish tehnika-gaz generatorlaryn paidalaný arqyly júzege asyrylady»,-delingen habarlamada.
