Memleket te, biznes te azamattardyń densaýlyǵynan únem jasamaýy tiis. Bul týraly Tótenshe jaǵdai rejimin qamtamasyz etý jónindegi memlekettik komissiianyń otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
«Jumyspen qamtý jol kartasy» baǵdarlamasy sharttarynyń biri taýarlardyń, jumystar men qyzmetterdiń otandyq óndirýshilerden keminde 90 paiyz kóleminde satyp alynýy sanalady. Bazalyq materialdar boiynsha otandyq óndiris ishki naryqty qajettiligin jaba alatyndyǵyn atap ótken oryndy. Olar mynadai taýarlar: tsement, taýarlyq beton, gips, qurylys eritindileri, gipsokarton. Bizde 12 tsement, 27 kirpish zaýyty, 3 armatýra óndirýshi, 5 boiaý óndirýshi, 10 qurǵaq qurylys qospalaryn óndirýshi, 1 kereamikalyq buiymdar zaýyty jums isteidi. Árbir óńirde taýarlyq beton men beton buiymdaryn óndirýshiler bar»,- dedi Memleket basshysy.
Prezidenttiń atap ótýinshe, qurylys materialdardyń baǵasyna qatysty da másele ózekti. Qurylys jobalaryndaǵy shyǵyndardyń mundai túri 60 paiyzdan astamdy quraidy.
«Bazalyq materialdardyń qunyna laiyqty baqylaýdyń bolmaýy alypsatarlyq pen biýdjet qarajatynyń tiimsiz paidalanýǵa alyp keledi. Memlekettik komissiia ákimdermen birlesip, Jumyspen qamtý jol kartasy aiasyndaǵy jumystar júrgizýdiń qaýipsizdigi máselesin sheshýi tiis. Turatyn oryndar, tamaq daiyndaityn jáne ishetin oryndar, sanitarlyq jeliler jáne basqalary sanitarlyq-epidemiologiialyq normalarǵa sai bolýy jáne únemi sanitarlyq óńdeýden ótip turýy tiis. Memleket te, biznes te azamattardyń densaýlyǵynan únem jasamaýy tiis. Bólinetin qarajat pen júzege asyrylatyn jobalar arnaýly toptyń qatań baqylaýynda bolady. Prezident Ákimshiligine atalǵan toptyń quramy men jumys tártibin anyqtaýdy tapsyramyn», - dedi Qasym-Jomart Toqaev.
.jpeg)