Densaýlyq saqtaý ministri Eljan Birtanov óńirlerdegi dárigerler tapshylyǵy máselesin sheshý úshin biýdjet esebinen oqyǵan mamandardy birneshe jyl memleket jibergen jerde eńbek etýge mindetteý usynylǵanyn aitty, dep habarlaidy "Ult aqparat" sputniknews.kz agenttigine silteme jasap.
Ministrdiń sózinshe, qazirgi ýaqytta elimizde kadrlyq resýrstardy basqarý boiynsha máseleniń bary jasyryn emes. Memlekettiń meditsinalyq mamandyqtarǵa bólip jatqan granty jetkilikti bolǵanymen, óńirlerde kadr tapshylyǵy bar. Óitkeni tegin oqyp shyqqan túlekterdiń memleket aldynda eshqandai mindeti bolmaǵandyqtan, olar qalada jumys tabýǵa tyrysady.
"Sondyqtan qazir osy máseleni talqylaýǵa shyǵaryp otyrmyz. Buryn bolǵan tájiribeni qaita engizýge bolady. Iaǵni, memleket esebinen oqyǵan adam birneshe jyl memlekettik komissiia jibergen jerde jumys isteýge mindetteledi", — dedi Birtanov májiliste ótken úkimet saǵatynda.
Onyń aitýynsha, mundai tájiribe meditsinalyq oqý ornynyń túlegine mamandyǵyn is júzinde meńgerip, biliktiligin arttyrýǵa múmkindik beredi.
