دەنساۋلىق ساقتاۋ مينيسترٸ ەلجان بٸرتانوۆ ٶڭٸرلەردەگٸ دەرٸگەرلەر تاپشىلىعى مەسەلەسٸن شەشۋ ٷشٸن بيۋدجەت ەسەبٸنەن وقىعان مامانداردى بٸرنەشە جىل مەملەكەت جٸبەرگەن جەردە ەڭبەك ەتۋگە مٸندەتتەۋ ۇسىنىلعانىن ايتتى, دەپ حابارلايدى "ۇلت اقپارات" sputniknews.kz اگەنتتٸگٸنە سٸلتەمە جاساپ.
مينيستردٸڭ سٶزٸنشە, قازٸرگٸ ۋاقىتتا ەلٸمٸزدە كادرلىق رەسۋرستاردى باسقارۋ بويىنشا مەسەلەنٸڭ بارى جاسىرىن ەمەس. مەملەكەتتٸڭ مەديتسينالىق ماماندىقتارعا بٶلٸپ جاتقان گرانتى جەتكٸلٸكتٸ بولعانىمەن, ٶڭٸرلەردە كادر تاپشىلىعى بار. ٶيتكەنٸ تەگٸن وقىپ شىققان تٷلەكتەردٸڭ مەملەكەت الدىندا ەشقانداي مٸندەتٸ بولماعاندىقتان, ولار قالادا جۇمىس تابۋعا تىرىسادى.
"سوندىقتان قازٸر وسى مەسەلەنٸ تالقىلاۋعا شىعارىپ وتىرمىز. بۇرىن بولعان تەجٸريبەنٸ قايتا ەنگٸزۋگە بولادى. ياعني, مەملەكەت ەسەبٸنەن وقىعان ادام بٸرنەشە جىل مەملەكەتتٸك كوميسسييا جٸبەرگەن جەردە جۇمىس ٸستەۋگە مٸندەتتەلەدٸ", — دەدٸ بٸرتانوۆ مەجٸلٸستە ٶتكەن ٷكٸمەت ساعاتىندا.
ونىڭ ايتۋىنشا, مۇنداي تەجٸريبە مەديتسينالىق وقۋ ورنىنىڭ تٷلەگٸنە ماماندىعىن ٸس جٷزٸندە مەڭگەرٸپ, بٸلٸكتٸلٸگٸن ارتتىرۋعا مٷمكٸندٸك بەرەدٸ.
