Memleket qoǵam tarapynan bolatyn árbir usynysqa qulaq asady, dedi Saiasattanýshy Erlan Sairov QR Prezidenti janyndaǵy Ulttyq qoǵamdyq senim keńesiniń otyrysynda, dep habarlady Strategy2050.kz tilshisi.
«Elimizdiń qoǵamdyq-saiasi, áleýmettik salasynda bolyp jatqan ózgerister halyqtyń kóńiline úmit uialatty. Osy ózgeristerdiń jalpy tabiǵaty, naqty maqsaty qoǵamǵa túsinikti, elge paidaly bolǵan jaǵdaida memleket te, halyq ta utatyny anyq. Búgingi tańda Ulttyq senim keńesi memleket pen halyqtyń arasyndaǵy qarym-qatynasty jańa deńgeige shyǵardy», - dedi ol.
Sondai-aq, saiasattanýshynyń aitýynsha, túiitkildi máseleler qaraý maqsaty qoiyldy.
«Bizdiń keńeste aitylǵan máseleler birqatar memlekettik organdardyń nazaryna alyndy. Bul aspekti bizge ózindik bir optimizm berýde. Bizdiń jumys toby áleýmettik jelilerde josparlarymen bólisti. Ártúrli aspektilerdi taldai otyryp, azamattyq qoǵamnyń ókilderiniń qatysýymen qoǵamdyq jumysty jandandyryp, jaǵymdy dinamikaǵa qol jetkizdik. Memleket qoǵam tarapynan bolatyn árbir usynysqa qulaq asatynyn kórdik. Bul ýaqyt aralyǵyndaǵy aqiqat qoǵam men memleket arasyndaǵy dialog birtindep mańyzdylyǵyn arttyryp jatyr. Ulttyq keńestiń missiiasy men jaýapkershiligi qanshalyqty mańyzdy ekeni túsinikti», - dedi ol.
