مەملەكەت قوعام تاراپىنان بولاتىن ەربٸر ۇسىنىسقا قۇلاق اسادى, دەدٸ ساياساتتانۋشى ەرلان سايروۆ قر پرەزيدەنتٸ جانىنداعى ۇلتتىق قوعامدىق سەنٸم كەڭەسٸنٸڭ وتىرىسىندا, دەپ حابارلادى Strategy2050.kz تٸلشٸسٸ.
«ەلٸمٸزدٸڭ قوعامدىق-ساياسي, ەلەۋمەتتٸك سالاسىندا بولىپ جاتقان ٶزگەرٸستەر حالىقتىڭ كٶڭٸلٸنە ٷمٸت ۇيالاتتى. وسى ٶزگەرٸستەردٸڭ جالپى تابيعاتى, ناقتى ماقساتى قوعامعا تٷسٸنٸكتٸ, ەلگە پايدالى بولعان جاعدايدا مەملەكەت تە, حالىق تا ۇتاتىنى انىق. بٷگٸنگٸ تاڭدا ۇلتتىق سەنٸم كەڭەسٸ مەملەكەت پەن حالىقتىڭ اراسىنداعى قارىم-قاتىناستى جاڭا دەڭگەيگە شىعاردى», - دەدٸ ول.
سونداي-اق, ساياساتتانۋشىنىڭ ايتۋىنشا, تٷيٸتكٸلدٸ مەسەلەلەر قاراۋ ماقساتى قويىلدى.
«بٸزدٸڭ كەڭەستە ايتىلعان مەسەلەلەر بٸرقاتار مەملەكەتتٸك ورگانداردىڭ نازارىنا الىندى. بۇل اسپەكتٸ بٸزگە ٶزٸندٸك بٸر وپتيميزم بەرۋدە. بٸزدٸڭ جۇمىس توبى ەلەۋمەتتٸك جەلٸلەردە جوسپارلارىمەن بٶلٸستٸ. ەرتٷرلٸ اسپەكتٸلەردٸ تالداي وتىرىپ, ازاماتتىق قوعامنىڭ ٶكٸلدەرٸنٸڭ قاتىسۋىمەن قوعامدىق جۇمىستى جانداندىرىپ, جاعىمدى ديناميكاعا قول جەتكٸزدٸك. مەملەكەت قوعام تاراپىنان بولاتىن ەربٸر ۇسىنىسقا قۇلاق اساتىنىن كٶردٸك. بۇل ۋاقىت ارالىعىنداعى اقيقات قوعام مەن مەملەكەت اراسىنداعى ديالوگ بٸرتٸندەپ ماڭىزدىلىعىن ارتتىرىپ جاتىر. ۇلتتىق كەڭەستٸڭ ميسسيياسى مەن جاۋاپكەرشٸلٸگٸ قانشالىقتى ماڭىزدى ەكەنٸ تٷسٸنٸكتٸ», - دەدٸ ول.
