Almaty qalasynyń ákimi Baqytjan Saǵyntaev áleýmettik osal toptarǵa kommýnaldyq tólemderdi tóleýge kómek kórsetiletinin aitty, dep habarlaidy "Ult aqparat".
Almaty ákimi bul máseleniń memlekettik komissiia otyrysynda talqylanǵanyn jetkizdi.
«Esterińizde bolsa, biz alǵashqylardyń biri bolyp kommýnaldyq qyzmetter tólemin eki aiǵa shegergenbiz. Osyǵan bailanysty, qosymsha sheshim qabyldandy. Memlekettik komissiianyń sheshimimen halyqtyń áleýmettik osal toptaryna eki ai 15 myń teńge bólinedi. Iaǵni, eger jeke shot 20 myń teńgege kelse, onyń 15 myńyn memleket jabady. Qalǵan bes myń teńgeni ózderi tóleýi kerek. Bul qoldaý halyqtyń áleýmettik álsiz toptaryna ǵana kórsetiletin bolady», - dedi ákim.
