Aýyl sharýashylyǵy ministrligi ekinshi deńgeili bankter agrobizneske uzaq merzimdi nesie bergende qandai baǵyttar memlekettik kepildendirýge jatatynyn habarlady.
QR Aýyl sharýashylyǵy ministrligi ekinshi deńgeili bankterden nesie rásimdeitin fermerler úshin «Aýyl sharýashylyǵyn qarjylai qoldaý qory» AQ arqyly nesielerdi memlekettik kepildendirý mehanizmi 2020 jyldan beri iske asyrylyp kele jatqanyn eske salady.
Fermerlerdi qoldaýdyń jańa formasy ekinshi deńgeili bankterdi aýyl sharýashylyǵyn nesieleýge yntalandyrý, bankterdiń nesielik táýekelderin azaitý jáne agrarlyq salany qarjylandyrýdyń tartymdylyǵyn arttyrý úshin engizildi.
Aýyl sharýashylyǵy taýaryn óndirýshiler – ekinshi deńgeili bank nesiesiniń kómegimen investitsiialyq jobalardy iske asyrýdy josparlaǵan jeke kásipkerlik sýbektiler (AQ, JShS, ShQ, FQ jáne t.b.) kepildik berý júiesine qatysa alady.
Shart boiynsha, jyldyq syiaqy mólsheri 17%-dan aspaityn 5 mlrd teńgege deiingi nesieni 10 jylǵa deiingi merzimge alatyn fermerlerge kepildik berý kózdelgen. Kepildendirý komissiia kepildik mólsheriniń 30%-yn quraidy, onyń 29,9% - yn memleket (jergilikti atqarýshy organ), al 0,1% - yn aýyl sharýashylyǵy taýaryn óndirýshi tóleidi.
Kepildendirý mólsheri – negizgi qaryz somasynyń 50%-na deiin (biraq 1,5 mlrd teńgeden aspaýy tiis).
Jobany iske qosqanǵa deiin basym investitsiialyq jobalar boiynsha kepildik mólsheri – 85% (biraq 2,55 mlrd teńgeden aspaýy tiis). Joba paidalanýǵa berilgennen keiin kepildik mólsheri standartty sharttarǵa deiin tómendetiledi.
Kepildik Agroónerkásip keshenindegi qyzmettiń barlyq túrleri boiynsha, sondai-aq tamaq ónimderin óndirý qyzmetiniń investitsiialyq jobalaryn iske asyrýǵa beriledi.
Budan basqa, kepildik berý sheńberinde mynadai basym investitsiialyq baǵyttar bar:
- taýarly sút fermalary;
- etti qus sharýashylyǵy;
- qarqyndy baq;
- jylyjailar;
- qant qyzylshasyn ósirý jáne qyzylsha qantyn óndirý;
- jarma óndirisi;
- kókónister men jemisterdi qaita óńdeý;
- ósimdik maiy men mai ónimderin óndirý.
