اۋىل شارۋاشىلىعى مينيسترلٸگٸ ەكٸنشٸ دەڭگەيلٸ بانكتەر اگروبيزنەسكە ۇزاق مەرزٸمدٸ نەسيە بەرگەندە قانداي باعىتتار مەملەكەتتٸك كەپٸلدەندٸرۋگە جاتاتىنىن حابارلادى.
قر اۋىل شارۋاشىلىعى مينيسترلٸگٸ ەكٸنشٸ دەڭگەيلٸ بانكتەردەن نەسيە رەسٸمدەيتٸن فەرمەرلەر ٷشٸن «اۋىل شارۋاشىلىعىن قارجىلاي قولداۋ قورى» اق ارقىلى نەسيەلەردٸ مەملەكەتتٸك كەپٸلدەندٸرۋ مەحانيزمٸ 2020 جىلدان بەرٸ ٸسكە اسىرىلىپ كەلە جاتقانىن ەسكە سالادى.
فەرمەرلەردٸ قولداۋدىڭ جاڭا فورماسى ەكٸنشٸ دەڭگەيلٸ بانكتەردٸ اۋىل شارۋاشىلىعىن نەسيەلەۋگە ىنتالاندىرۋ, بانكتەردٸڭ نەسيەلٸك تەۋەكەلدەرٸن ازايتۋ جەنە اگرارلىق سالانى قارجىلاندىرۋدىڭ تارتىمدىلىعىن ارتتىرۋ ٷشٸن ەنگٸزٸلدٸ.
اۋىل شارۋاشىلىعى تاۋارىن ٶندٸرۋشٸلەر – ەكٸنشٸ دەڭگەيلٸ بانك نەسيەسٸنٸڭ كٶمەگٸمەن ينۆەستيتسييالىق جوبالاردى ٸسكە اسىرۋدى جوسپارلاعان جەكە كەسٸپكەرلٸك سۋبەكتٸلەر (اق, جشس, شق, فق جەنە ت.ب.) كەپٸلدٸك بەرۋ جٷيەسٸنە قاتىسا الادى.
شارت بويىنشا, جىلدىق سىياقى مٶلشەرٸ 17%-دان اسپايتىن 5 ملرد تەڭگەگە دەيٸنگٸ نەسيەنٸ 10 جىلعا دەيٸنگٸ مەرزٸمگە الاتىن فەرمەرلەرگە كەپٸلدٸك بەرۋ كٶزدەلگەن. كەپٸلدەندٸرۋ كوميسسييا كەپٸلدٸك مٶلشەرٸنٸڭ 30%-ىن قۇرايدى, ونىڭ 29,9% - ىن مەملەكەت (جەرگٸلٸكتٸ اتقارۋشى ورگان), ال 0,1% - ىن اۋىل شارۋاشىلىعى تاۋارىن ٶندٸرۋشٸ تٶلەيدٸ.
كەپٸلدەندٸرۋ مٶلشەرٸ – نەگٸزگٸ قارىز سوماسىنىڭ 50%-نا دەيٸن (بٸراق 1,5 ملرد تەڭگەدەن اسپاۋى تيٸس).
جوبانى ٸسكە قوسقانعا دەيٸن باسىم ينۆەستيتسييالىق جوبالار بويىنشا كەپٸلدٸك مٶلشەرٸ – 85% (بٸراق 2,55 ملرد تەڭگەدەن اسپاۋى تيٸس). جوبا پايدالانۋعا بەرٸلگەننەن كەيٸن كەپٸلدٸك مٶلشەرٸ ستاندارتتى شارتتارعا دەيٸن تٶمەندەتٸلەدٸ.
كەپٸلدٸك اگروٶنەركەسٸپ كەشەنٸندەگٸ قىزمەتتٸڭ بارلىق تٷرلەرٸ بويىنشا, سونداي-اق تاماق ٶنٸمدەرٸن ٶندٸرۋ قىزمەتٸنٸڭ ينۆەستيتسييالىق جوبالارىن ٸسكە اسىرۋعا بەرٸلەدٸ.
بۇدان باسقا, كەپٸلدٸك بەرۋ شەڭبەرٸندە مىناداي باسىم ينۆەستيتسييالىق باعىتتار بار:
- تاۋارلى سٷت فەرمالارى;
- ەتتٸ قۇس شارۋاشىلىعى;
- قارقىندى باق;
- جىلىجايلار;
- قانت قىزىلشاسىن ٶسٸرۋ جەنە قىزىلشا قانتىن ٶندٸرۋ;
- جارما ٶندٸرٸسٸ;
- كٶكٶنٸستەر مەن جەمٸستەردٸ قايتا ٶڭدەۋ;
- ٶسٸمدٸك مايى مەن ماي ٶنٸمدەرٸن ٶندٸرۋ.
