Prezident Qasym-Jomart Toqaev Táýelsizdik saraiynda ornalasqan №520 sailaý ýchaskesine baryp, Qazaqstan Respýblikasy Quryltai depýtattarynyń sailaýynda daýys berdi, dep habarlaidy ult.kz.
Sodan keiin Memleket basshysy buqaralyq aqparat quraldary ókilderine brifing ótkizdi.
– Shyn máninde, búgin – elimiz úshin tarihi kún. Tuńǵysh ret bir palataly Quryltai sailaýyn ótkizip otyrmyz. Bul – mańyzdy tarihi oqiǵa. Biz birtutas el bolyp, aýqymdy reformalar júrgizip jatyrmyz. Muny bárińiz bilesizder, kýá bolyp otyrsyzdar. Oidaǵydai nátijelerge qol jetkizdik. Degenmen aldymyzda turǵan jumys aýqymdy, maqsatymyz mańyzdy dep aitýǵa bolady. Búgingi sailaý – osy jumystyń bastaýy ǵana, – dedi Qasym-Jomart Toqaev.
