Qasym-Jomart Toqaev Qazaqstan Respýblikasynyń biylǵy qańtar-maýsym ailaryndaǵy áleýmettik-ekonomikalyq damý qorytyndylary týraly esepti tyńdap, ekonomikany odan ári ártaraptandyrý josparymen tanysty, dep habarlaidy ult.kz.
Premer-ministr birinshi jartyjyldyq qorytyndysy boiynsha ishki jalpy ónim kólemi 4,1 paiyzǵa óskenin baiandady. Ekonomika qurylymyndaǵy óńdeý ónerkásibiniń úlesi – 9,8 paiyzǵa, kólik salasy – 7,1 paiyzǵa, qurylys 15,2 paiyzǵa artty. Sondai-aq saýda-sattyqta – 5,7 paiyz, aýyl sharýashylyǵynda – 4,4 paiyz jáne bailanys qyzmetinde 4,3 paiyz ósim tirkeldi.
Negizgi kapitalǵa tartylǵan investitsiia kólemi 9,5 trillion teńgeni qurady, sonyń ishinde jeke investitsiia 21,4 paiyzǵa ulǵaidy.
Oljas Bektenov ulttyq ekonomika qurylymyn nyǵaitý jóninde esep berdi. Biyl óńdeý sektorynda 1,7 trillion teńgege 200 investitsiialyq joba iske qosylyp, 17 myń jumys orny ashylady.
Úkimet basshysy iri avtojol jobalarynyń júzege asyrylý barysy, Astana qalasyndaǵy ekinshi áýejaidyń qurylysyn jáne Tarlan Astana kólik júiesiniń kelesi kezeńin josparlaý týraly aitty. Paidalanýǵa beriletin turǵyn úi kólemi 20 million sharshy metrge jetpek.
Aýyl sharýashylyǵyndaǵy óndiris kórsetkishi 15 trillion teńgeni qurap, egistik alqaptary 23,8 million gektarǵa deiin ulǵaidy. Sharýalardy qoldaýǵa 1 trillion teńge bólindi. Bul rette biýdjettiń ár teńgesi 6,5 teńge jeke investitsiia tartýǵa septigin tigizdi.
Memleket basshysyna Halyqtyń tabysyn arttyrý jónindegi keshendi jospardyń iske asyrylýy jáne infliatsiiany tómendetý sharalary týraly aqparat berildi. Maýsym aiynda jyldyq infliatsiia deńgeii 10,3 paiyzdy qurady.
Prezidentke áleýmettik jáne kóshi-qon saiasatyn jetildirý nátijeleri týraly baiandaldy, sondai-aq jumysqa ornalasýǵa yntalandyrý arqyly áleýmettik qoldaý tetikteriniń tiimdiligin arttyrý tásilderi tanystyryldy. Keibir áleýmettik tólemderdi ońtailandyrý nátijesinde jylyna 800 milliard teńgeden asa qarjy únemdeledi.
Kezdesýde jylytý maýsymyna daiyndyq máselesine airyqsha nazar aýdaryldy. Ótken maýsymnyń qorytyndysy boiynsha bes jylý elektr ortalyǵy asa joǵary táýekeldiń «qyzyl» aimaǵynan shyǵarylyp, úsh JEO «jasyl» aimaqqa aýystyryldy. Biylǵy jóndeý jumystary 9 energiia blogyn, 55 qazandyqty jáne 51 týrbinany qamtidy. Atalǵan maqsatqa 384 milliard teńge bólingen.
«Energetikalyq jáne kommýnaldyq sektorlardy jańǵyrtý» ulttyq jobasy aiasynda jyl sońyna deiin 12 myń shaqyrym injenerlik jeli jóndeledi.
Prezidentke tsifrlandyrý jáne ulttyq AI infraqurylymyn damytý jónindegi tapsyrmalarynyń oryndalýy týraly málimet usynyldy. Oljas Bektenov «Derekterdi óńdeý ortalyǵy alqaby» jobasyn iske asyrý maqsatynda álemdik IT kóshbasshylarymen birge qýaty 250 MVt bolatyn infraqurylym jasaqtalatynyn aitty.
Shetelden tartylǵan investitsiia kólemi 10 milliard dollardan asty.
Memleket basshysyna týrizm infraqurylymyn jańǵyrtý jaiynda esep berildi.
Almaty taý klasterin damytý týrizm salasynyń IJÓ qurylymyndaǵy úlesin arttyrady. Almaty SuperSki jobasynyń qurylysy jandana tústi: 60 shaqyrym trassa qurylysy aiaqtalǵanda táýligine 10 myń adamǵa deiin qyzmet kórsetýge múmkindik týady. Nysandy paidalanýǵa berý 2028 jyldyń jeltoqsan aiyna josparlanǵan. Elimiz «Bolashaq oiyndary-2026» jarystaryn ótkizýge daiyn.
Memleket basshysy jańa Konstitýtsiiaǵa sai qabyldanyp jatqan sharalar týraly habardar boldy. Zańnamany Ata zańǵa sáikestendirý, «Ádiletti Qazaqstan» jáne «Zań men tártip» qaǵidattaryn nyǵaitý, áleýmettik saiasatty jetildirý, Alataý qalasyn qarqyndy damytý úshin quqyqtyq negiz qalyptastyrý, sondai-aq «Taza Qazaqstan» bastamasyn ilgeriletý boiynsha jumystar júrgizilýde.
Kezdesý sońynda Qasym-Jomart Toqaev elimizdi órkendetý baǵytyndaǵy júieli qadamdardy jalǵastyrýdy tapsyrdy.
Úkimetke áleýmettik jáne infraqurylymdyq nysandar salýǵa arnalǵan aýqymdy baǵdarlamany qolǵa alý mindeti júkteldi. Bul bastama el azamattarynyń turmys sapasyn aitarlyqtai jaqsartýǵa tiis.
Zamanaýi densaýlyq saqtaý nysandaryn salýǵa erekshe nazar aýdarylady.
