Memleket basshysy Qasym-Jomart Toqaev Mádeniet jáne aqparat ministri Arman Qyryqbaevty qabyldady. Kezdesýde ministrliktiń aldaǵy jumysynyń negizgi baǵyttary talqylandy, dep habarlaidy ult.kz.
Prezident mádeniet pen kreativti indýstriiany odan ári damytýdyń mańyzyn atap ótti. Sondai-aq tarihi-mádeni murany saqtaý jáne ony keńinen nasihattaý jumystaryn kúsheitýdi tapsyrdy.
Memleket basshysy Qazaqstan mádenietin halyqaralyq arenada ilgeriletýge de erekshe mán berý qajettigin aitty.
Budan bólek, memlekettik aqparattyq saiasat máseleleri qaraldy. Prezident otandyq aqparat keńistigin jandandyrý jáne zańnamany zamanaýi tsifrlyq táýekelderdi eskere otyryp jetildirý qajet ekenin atap ótti.
Kezdesý sońynda qoǵamdyq kelisimdi nyǵaitý jáne jastardyń shyǵarmashylyq ári jasampaz áleýetin júzege asyrýyna jaǵdai jasaý jóninde tapsyrmalar berildi.
