Aqtóbe oblysynyń Hromtaý qalasynda politsei kúieý balasyn óltirýge oqtalǵany úshin 10 jylǵa bas bostandyǵynan aiyryldy, dep habarlaidy ult.kz.
«Sot sottalýshyny QR Qylmystyq kodeksiniń 24-babynyń 2-bóligi jáne 99-babynyń 1-bóliginde kózdelgen qylmystyq quqyq buzýshylyqty jasaǵany úshin kináli dep tanyp, oǵan 10 jyl bas bostandyǵynan aiyrý jazasyn taǵaiyndady», – delingen sot sheshiminde.
«Diapazon» basylymynyń málimetinshe, 32 jastaǵy ýchaskelik politsiia inspektorynyń kómekshisi bas qosý kezinde óziniń kúieý balasyna qyzmettik Makarov tapanshasynan oq atqan. Janjalǵa er adamnyń áielin urǵany týraly aitqan sózi sebep bolǵan.
Jábirlenýshi keýde jáne ish tusynan oq jaraqatyn alyp, jansaqtaý bólimine jatqyzylǵan. Qyzmettik qarýdan tórtinshi ret oq atylǵan kezde qarý keptelip qalyp, sodan keiin atys toqtaǵan.
Basylymnyń jazýynsha, oqiǵa bolǵan kezde sottalýshy qyzmetke shyǵýy tiis bolǵan. Sot ony adam óltirýge oqtalǵany úshin kináli dep tanyp, 10 jylǵa bas bostandyǵynan aiyrdy.
