اقتٶبە وبلىسىنىڭ حرومتاۋ قالاسىندا پوليتسەي كٷيەۋ بالاسىن ٶلتٸرۋگە وقتالعانى ٷشٸن 10 جىلعا باس بوستاندىعىنان ايىرىلدى, دەپ حابارلايدى ult.kz.
«سوت سوتتالۋشىنى قر قىلمىستىق كودەكسٸنٸڭ 24-بابىنىڭ 2-بٶلٸگٸ جەنە 99-بابىنىڭ 1-بٶلٸگٸندە كٶزدەلگەن قىلمىستىق قۇقىق بۇزۋشىلىقتى جاساعانى ٷشٸن كٸنەلٸ دەپ تانىپ, وعان 10 جىل باس بوستاندىعىنان ايىرۋ جازاسىن تاعايىندادى», – دەلٸنگەن سوت شەشٸمٸندە.
«دياپازون» باسىلىمىنىڭ مەلٸمەتٸنشە, 32 جاستاعى ۋچاسكەلٸك پوليتسييا ينسپەكتورىنىڭ كٶمەكشٸسٸ باس قوسۋ كەزٸندە ٶزٸنٸڭ كٷيەۋ بالاسىنا قىزمەتتٸك ماكاروۆ تاپانشاسىنان وق اتقان. جانجالعا ەر ادامنىڭ ەيەلٸن ۇرعانى تۋرالى ايتقان سٶزٸ سەبەپ بولعان.
جەبٸرلەنۋشٸ كەۋدە جەنە ٸش تۇسىنان وق جاراقاتىن الىپ, جانساقتاۋ بٶلٸمٸنە جاتقىزىلعان. قىزمەتتٸك قارۋدان تٶرتٸنشٸ رەت وق اتىلعان كەزدە قارۋ كەپتەلٸپ قالىپ, سودان كەيٸن اتىس توقتاعان.
باسىلىمنىڭ جازۋىنشا, وقيعا بولعان كەزدە سوتتالۋشى قىزمەتكە شىعۋى تيٸس بولعان. سوت ونى ادام ٶلتٸرۋگە وقتالعانى ٷشٸن كٸنەلٸ دەپ تانىپ, 10 جىلعا باس بوستاندىعىنان ايىردى.
