Prezident Qasym-Jomart Toqaev kórnekti aqyn, qoǵam qairatkeri, erekshe daryn iesi retinde halyq qurmetine bólengen Marfýǵa Ǵaliqyzyn 90 jasqa tolǵan mereitoiymen quttyqtady, dep habarlaidy ult.kz.
Memleket basshysy jedelhatta aqyn ǵibratty ǵumyryn ulttyq ádebiet pen mádenietti damytýǵa, qazaq poeziiasynyń órisin keńeitýge arnaǵanyn atap ótken.
"Qazaqtyń darhan dalasy men tamyry tereń tarihyn, ultymyzdyń yntymaq-birligi men salt-dástúrin órshil de syrshyl óleńderińizge arqaý ettińiz. Oqyrman qaýym jyrlaryńyzdy súisinip oqidy jáne ózińizdi «Qazaqtyń jyr Aqqýy» dep ardaqtaidy. Aldaǵy ýaqytta da ónegeli ómirińizben óskeleń urpaqqa úlgi bolyp, el-jurttyń ortasynda syi-qurmetke bólene berýińizge tilektestigimdi bildiremin", – delingen quttyqtaýda.
