Búginde buqaralyq aqparat quraldarynda, áleýmettik jelilerde jáne sarapshylar ortasynda Memleket basshysy Qasym-Jomart Toqaevtyń «Halyq birligi jáne júieli reformalar – el órkendeýiniń berik negizi» atty Joldaýy qyzý talqylanyp jatyr. «Nur Otan» partiiasy Tóraǵasynyń Birinshi orynbasary Baýyrjan Baibek Joldaýǵa bailanysty qandai ózekti máselege kóńil aýdarý qajettigi jóninde pikirin bildirdi.
«Osy oraida, 3 negizgi máselege nazar aýdarǵym keledi», dep jazdy Baýyrjan Baibek Facebook -tegi paraqshasynda.
«Birinshiden, Memleket basshysynyń el Táýelsizdiginiń 30 jyldyǵy tusynda jasaǵan bul Joldaýy basymdyqtardy aiqyndap, memleket pen qoǵamnyń ári qarai damý baǵytyn belgilep qana qoimai, sonymen birge osy jyldar aralyǵynda júrip ótken jolymyzdy da qorytyndylaidy. Qasym-Jomart Kemeluly Joldaýynyń basynda aitqandai, «Qazaqstan Tuńǵysh Prezidentimiz – Elbasynyń dara saiasatynyń arqasynda tabysty el retinde búkil álemge tanymal boldy. Eń basty jetistigimiz – birtutas el bolyp, jańa memleket qurdyq. Irgemizdi bekitip, eńsemizdi tiktedik. Halyqaralyq qaýymdastyqtyń beldi múshesine ainaldyq. Turaqty qoǵam qalyptastyryp, ornyqty damý jolyna tústik».
Qazaqstan – búginde irgesi berik, tuǵyry myǵym memleket. Muny ishki saiasi turaqtylyǵy, beibit syrtqy saiasaty jáne jalpy ornyqty ekonomikasy qamtamasyz etip otyr. Kezinde oppozitsiianyń «qarajatty taratyp berý kerek» degenine qaramastan Elbasy Nursultan Nazarbaev qurǵan Ulttyq Qor búginde bizdiń ekonomikalyq silkinisterdi eńserip qana qoimai, eldiń ári qarai damýy boiynsha jańa bastamalar usynýymyzǵa da múmkindik berýde.
Ekinshiden, Joldaý búkil álemdi jailap, elimizdi ábigerge salǵan koronadaǵdarys ýaqytynda, azamattardyń áleýmettik-ekonomikalyq ahýaly nasharlaǵan jáne narazylyq kóńil-kúi artqan kúrdeli jaǵdaida jasalyp otyr. Osyndai kezeńde biz, ókinishke qarai, geosaiasi týrbýlenttiliktiń, álemdik derjavalardyń sanktsiialyq teketiresteriniń kúsheie túskenin baiqap otyrmyz. Aýǵanstannan myńdaǵan bosqyndar óz úilerin tastap ketip jatqanyn kórip otyrmyz, bul, árine, Orta Aziia óńirindegi jáne jalpy bizdiń elimizdegi ahýalǵa da áser etpei qoimaidy.
Mundai kúrdeli jaǵdaida Memleket basshysynyń Joldaýy basymdyqtardy aiqyn belgilep, qazirgi syn-qaterlerge naqty jaýap berip otyr.
El Prezidenti Qazaqstan úshin ulttyq birlikti odan ári nyǵaitý, azamattyq qoǵamdy damytý men ekonomikanyń sapaly ósýi úshin jańa yntalandyrý tetikterin qurýdyń basty basymdyqtary bolyp tabylatynyn atap kórsetti.
Bul qazirgi qiyndyqtardy tabysty eńserýge múmkindik berip qana qoimai, pandemiiadan keiingi kezeńde el damýyn qamtamasyz etýge de jaǵdai týdyrdy.
Úshinshiden, Memleket basshysynyń saiasi jańǵyrtýǵa, azamattyq qoǵamdy damytýǵa, jańa áleýmettik standarttardy endirýge, otandyq biznesti qoldaýǵa, sybailas jemqorlyqqa qarsy is-qimylǵa, sondai-aq memlekettik apparattyń tiimdiligin arttyrýǵa baǵyttalǵan baǵdarynyń júieli ári tabandy iske asyrylyp jatqanyn atap ótken jón. Jyl saiynǵy joldaýlar men el Prezidenti Q.K. Toqaevtyń «Nur Otan» partiasynyń HH Sezinde jariia etken «Ózgerister joly: Ár azamatqa laiyqty ómir!» Sailaýaldy baǵdarlamasynyń iske asyrylý barysy densaýlyq saqtaý júiesiniń sapasy, bilimniń qoljetimdiligi, tsifrlandyrý, óńirlerdi damytý sekildi mańyzdy máselelerdiń qashanda basty nazarda ekenin kórsetedi. Qarapaiym qazaqstandyqtarǵa ataýly, naqty qoldaý kórsetýge, olardyń ál-aýqatyn arttyrýǵa erekshe kóńil , - dep atap ótti ol.
Baibektiń aitýynsha, partiianyń qoǵamdyq qabyldaý bólmelerine azamattardan kelip túsken 100 myńnan astam ótinishke jasalǵan taldaý, sondai-aq «Nur Otan» depýtattarynyń halyqpen kóptegen kezdesýleriniń qorytyndysy búginde eń ózekti 3 máselege baǵalardyń ósýi, kommýnaldyq tarifterdiń kóterilýi jáne baspanamen qamtamasyz etý jatatynyn kórsetip otyr.
Osyǵan bailanysty Memleket basshysynyń pandemiia jaǵdaiynda halyq tabysyn arttyrýǵa jáne tutynýshylyq suranysty yntalandyrýǵa baǵyttalǵan 5 bastamasynyń der ýaqytta usynylyp otyrǵanyn atap ótken jón.
Eń tómengi jalaqy mólsherin 60 myń teńgege deiin ulǵaitý, biznesti qyzmetkerleriniń jalaqylaryn kóterýge yntalandyrý sharalaryn iske asyrý, shaǵyn jáne orta biznes úshin salyqtyq aýyrtpalyqty 34-ten 25%-ke deiin tómendete otyryp, eńbekaqy qorynan biryńǵai tólem endirý, azamattyq qyzmetkerler sanatyndaǵylardyń basym bóliginiń jalaqylaryn jyl saiyn 20%-ke kóterý, sondai-aq turǵyn úi nesielerin alý sharttaryn ári qarai ońtailandyrý elimizdiń búkil derlik azamattaryn qamtityn sharalar bolmaq. Sarapshylardyń baǵalaýy boiynsha, eń tómengi jalaqy mólsheriniń ulǵaiýynyń ózi ǵana ekonomikanyń 1,5%-ke ósýine ákeledi.
«Nur Otan» bileýshi partiia retinde Joldaý men «Ózgerister joly: Ár azamatqa laiyqty ómir!» atty Sailaýaldy baǵdarlamanyń iske asyrylýyna júieli qoǵamdyq baqylaýdy qamtamasyz etetin bolady.
«Jyl basynan beri respýblikalyq deńgeide sailaýaldy ýádelerdiń 11%-ti jáne óńirlik deńgeide 12%-ti oryndaldy. Naqty tsifrlarmen kórsetsek, bul – 7,7 mln. sharshy metr turǵyn úi, 12,2 myń orynǵa arnalǵan 34 mektep pen 4,5 orynǵa arnalǵan 68 balabaqsha, 160 myńnan astam jumys orny bar 77 jańa kásiporyn. Jyl sońyna deiin taǵy da 200 ártúrli áleýmettik nysan, onyń ishinde jańa mektepter, aýrýhanalar jáne t.b. paidalanýǵa beriledi. Kólik jáne injenerlik infraqurylymdy aýqymdy túrde damytý jeke blok boiynsha iske asyrylýda.
Dostar! Memleket basshysy atap ótkendei, «Biz tuǵyry myǵym el bolý jolynda kedergilerdi eńserip, qiyndyqtardy jeńip kelemiz. Munyń bárine berekeli birlik pen eseli eńbek arqyly jettik. Elimiz Táýelsizdik jylnamasynyń tórtinshi onjyldyǵyna qadam basqaly tur. Bul kezeńniń ońai bolmaityny qazirdiń ózinde aiqyn baiqalýda. Sondyqtan, kez-kelgen syn-qaterge daiyn bolýǵa tiispiz. Tynymsyz izdenip, udaiy alǵa umtylýymyz qajet».
«Nur Otan» adamdar igiligi jolynda jumys istep jatqan maqsaty aiqyn, naqty ister partiiasy retinde el Basshylyǵy qoiǵan mindetter men qazaqstandyqtar aldyndaǵy óz sailaýaldy ýádeleriniń barlyǵynyń iske asyrylýyn qamtamasyz etedi.
Biz birgemiz! Qiyndyqty eńserip, jeńiske birge jetemiz», -dep túiindedi «Nur Otan» partiiasy Tóraǵasynyń Birinshi orynbasary óz jazbasynda.
