بٷگٸندە بۇقارالىق اقپارات قۇرالدارىندا, ەلەۋمەتتٸك جەلٸلەردە جەنە ساراپشىلار ورتاسىندا مەملەكەت باسشىسى قاسىم-جومارت توقاەۆتىڭ «حالىق بٸرلٸگٸ جەنە جٷيەلٸ رەفورمالار – ەل ٶركەندەۋٸنٸڭ بەرٸك نەگٸزٸ» اتتى جولداۋى قىزۋ تالقىلانىپ جاتىر. «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك جولداۋعا بايلانىستى قانداي ٶزەكتٸ مەسەلەگە كٶڭٸل اۋدارۋ قاجەتتٸگٸ جٶنٸندە پٸكٸرٸن بٸلدٸردٸ.
«وسى ورايدا, 3 نەگٸزگٸ مەسەلەگە نازار اۋدارعىم كەلەدٸ», دەپ جازدى باۋىرجان بايبەك Facebook -تەگٸ پاراقشاسىندا.
«بٸرٸنشٸدەن, مەملەكەت باسشىسىنىڭ ەل تەۋەلسٸزدٸگٸنٸڭ 30 جىلدىعى تۇسىندا جاساعان بۇل جولداۋى باسىمدىقتاردى ايقىنداپ, مەملەكەت پەن قوعامنىڭ ەرٸ قاراي دامۋ باعىتىن بەلگٸلەپ قانا قويماي, سونىمەن بٸرگە وسى جىلدار ارالىعىندا جٷرٸپ ٶتكەن جولىمىزدى دا قورىتىندىلايدى. قاسىم-جومارت كەمەلۇلى جولداۋىنىڭ باسىندا ايتقانداي, «قازاقستان تۇڭعىش پرەزيدەنتٸمٸز – ەلباسىنىڭ دارا ساياساتىنىڭ ارقاسىندا تابىستى ەل رەتٸندە بٷكٸل ەلەمگە تانىمال بولدى. ەڭ باستى جەتٸستٸگٸمٸز – بٸرتۇتاس ەل بولىپ, جاڭا مەملەكەت قۇردىق. ٸرگەمٸزدٸ بەكٸتٸپ, ەڭسەمٸزدٸ تٸكتەدٸك. حالىقارالىق قاۋىمداستىقتىڭ بەلدٸ مٷشەسٸنە اينالدىق. تۇراقتى قوعام قالىپتاستىرىپ, ورنىقتى دامۋ جولىنا تٷستٸك».
قازاقستان – بٷگٸندە ٸرگەسٸ بەرٸك, تۇعىرى مىعىم مەملەكەت. مۇنى ٸشكٸ ساياسي تۇراقتىلىعى, بەيبٸت سىرتقى ساياساتى جەنە جالپى ورنىقتى ەكونوميكاسى قامتاماسىز ەتٸپ وتىر. كەزٸندە وپپوزيتسييانىڭ «قاراجاتتى تاراتىپ بەرۋ كەرەك» دەگەنٸنە قاراماستان ەلباسى نۇرسۇلتان نازارباەۆ قۇرعان ۇلتتىق قور بٷگٸندە بٸزدٸڭ ەكونوميكالىق سٸلكٸنٸستەردٸ ەڭسەرٸپ قانا قويماي, ەلدٸڭ ەرٸ قاراي دامۋى بويىنشا جاڭا باستامالار ۇسىنۋىمىزعا دا مٷمكٸندٸك بەرۋدە.
ەكٸنشٸدەن, جولداۋ بٷكٸل ەلەمدٸ جايلاپ, ەلٸمٸزدٸ ەبٸگەرگە سالعان كوروناداعدارىس ۋاقىتىندا, ازاماتتاردىڭ ەلەۋمەتتٸك-ەكونوميكالىق احۋالى ناشارلاعان جەنە نارازىلىق كٶڭٸل-كٷي ارتقان كٷردەلٸ جاعدايدا جاسالىپ وتىر. وسىنداي كەزەڭدە بٸز, ٶكٸنٸشكە قاراي, گەوساياسي تۋربۋلەنتتٸلٸكتٸڭ, ەلەمدٸك دەرجاۆالاردىڭ سانكتسييالىق تەكەتٸرەستەرٸنٸڭ كٷشەيە تٷسكەنٸن بايقاپ وتىرمىز. اۋعانستاننان مىڭداعان بوسقىندار ٶز ٷيلەرٸن تاستاپ كەتٸپ جاتقانىن كٶرٸپ وتىرمىز, بۇل, ەرينە, ورتا ازييا ٶڭٸرٸندەگٸ جەنە جالپى بٸزدٸڭ ەلٸمٸزدەگٸ احۋالعا دا ەسەر ەتپەي قويمايدى.
مۇنداي كٷردەلٸ جاعدايدا مەملەكەت باسشىسىنىڭ جولداۋى باسىمدىقتاردى ايقىن بەلگٸلەپ, قازٸرگٸ سىن-قاتەرلەرگە ناقتى جاۋاپ بەرٸپ وتىر.
ەل پرەزيدەنتٸ قازاقستان ٷشٸن ۇلتتىق بٸرلٸكتٸ ودان ەرٸ نىعايتۋ, ازاماتتىق قوعامدى دامىتۋ مەن ەكونوميكانىڭ ساپالى ٶسۋٸ ٷشٸن جاڭا ىنتالاندىرۋ تەتٸكتەرٸن قۇرۋدىڭ باستى باسىمدىقتارى بولىپ تابىلاتىنىن اتاپ كٶرسەتتٸ.
بۇل قازٸرگٸ قيىندىقتاردى تابىستى ەڭسەرۋگە مٷمكٸندٸك بەرٸپ قانا قويماي, پاندەمييادان كەيٸنگٸ كەزەڭدە ەل دامۋىن قامتاماسىز ەتۋگە دە جاعداي تۋدىردى.
ٷشٸنشٸدەن, مەملەكەت باسشىسىنىڭ ساياسي جاڭعىرتۋعا, ازاماتتىق قوعامدى دامىتۋعا, جاڭا ەلەۋمەتتٸك ستاندارتتاردى ەندٸرۋگە, وتاندىق بيزنەستٸ قولداۋعا, سىبايلاس جەمقورلىققا قارسى ٸس-قيمىلعا, سونداي-اق مەملەكەتتٸك اپپاراتتىڭ تيٸمدٸلٸگٸن ارتتىرۋعا باعىتتالعان باعدارىنىڭ جٷيەلٸ ەرٸ تاباندى ٸسكە اسىرىلىپ جاتقانىن اتاپ ٶتكەن جٶن. جىل سايىنعى جولداۋلار مەن ەل پرەزيدەنتٸ ق.ك. توقاەۆتىڭ «Nur Otan» پارتياسىنىڭ حح سەزٸندە جارييا ەتكەن «ٶزگەرٸستەر جولى: ەر ازاماتقا لايىقتى ٶمٸر!» سايلاۋالدى باعدارلاماسىنىڭ ٸسكە اسىرىلۋ بارىسى دەنساۋلىق ساقتاۋ جٷيەسٸنٸڭ ساپاسى, بٸلٸمنٸڭ قولجەتٸمدٸلٸگٸ, تسيفرلاندىرۋ, ٶڭٸرلەردٸ دامىتۋ سەكٸلدٸ ماڭىزدى مەسەلەلەردٸڭ قاشاندا باستى نازاردا ەكەنٸن كٶرسەتەدٸ. قاراپايىم قازاقستاندىقتارعا اتاۋلى, ناقتى قولداۋ كٶرسەتۋگە, ولاردىڭ ەل-اۋقاتىن ارتتىرۋعا ەرەكشە كٶڭٸل , - دەپ اتاپ ٶتتٸ ول.
بايبەكتٸڭ ايتۋىنشا, پارتييانىڭ قوعامدىق قابىلداۋ بٶلمەلەرٸنە ازاماتتاردان كەلٸپ تٷسكەن 100 مىڭنان استام ٶتٸنٸشكە جاسالعان تالداۋ, سونداي-اق «Nur Otan» دەپۋتاتتارىنىڭ حالىقپەن كٶپتەگەن كەزدەسۋلەرٸنٸڭ قورىتىندىسى بٷگٸندە ەڭ ٶزەكتٸ 3 مەسەلەگە باعالاردىڭ ٶسۋٸ, كوممۋنالدىق تاريفتەردٸڭ كٶتەرٸلۋٸ جەنە باسپانامەن قامتاماسىز ەتۋ جاتاتىنىن كٶرسەتٸپ وتىر.
وسىعان بايلانىستى مەملەكەت باسشىسىنىڭ پاندەمييا جاعدايىندا حالىق تابىسىن ارتتىرۋعا جەنە تۇتىنۋشىلىق سۇرانىستى ىنتالاندىرۋعا باعىتتالعان 5 باستاماسىنىڭ دەر ۋاقىتتا ۇسىنىلىپ وتىرعانىن اتاپ ٶتكەن جٶن.
ەڭ تٶمەنگٸ جالاقى مٶلشەرٸن 60 مىڭ تەڭگەگە دەيٸن ۇلعايتۋ, بيزنەستٸ قىزمەتكەرلەرٸنٸڭ جالاقىلارىن كٶتەرۋگە ىنتالاندىرۋ شارالارىن ٸسكە اسىرۋ, شاعىن جەنە ورتا بيزنەس ٷشٸن سالىقتىق اۋىرتپالىقتى 34-تەن 25%-كە دەيٸن تٶمەندەتە وتىرىپ, ەڭبەكاقى قورىنان بٸرىڭعاي تٶلەم ەندٸرۋ, ازاماتتىق قىزمەتكەرلەر ساناتىنداعىلاردىڭ باسىم بٶلٸگٸنٸڭ جالاقىلارىن جىل سايىن 20%-كە كٶتەرۋ, سونداي-اق تۇرعىن ٷي نەسيەلەرٸن الۋ شارتتارىن ەرٸ قاراي وڭتايلاندىرۋ ەلٸمٸزدٸڭ بٷكٸل دەرلٸك ازاماتتارىن قامتيتىن شارالار بولماق. ساراپشىلاردىڭ باعالاۋى بويىنشا, ەڭ تٶمەنگٸ جالاقى مٶلشەرٸنٸڭ ۇلعايۋىنىڭ ٶزٸ عانا ەكونوميكانىڭ 1,5%-كە ٶسۋٸنە ەكەلەدٸ.
«Nur Otan» بيلەۋشٸ پارتييا رەتٸندە جولداۋ مەن «ٶزگەرٸستەر جولى: ەر ازاماتقا لايىقتى ٶمٸر!» اتتى سايلاۋالدى باعدارلامانىڭ ٸسكە اسىرىلۋىنا جٷيەلٸ قوعامدىق باقىلاۋدى قامتاماسىز ەتەتٸن بولادى.
«جىل باسىنان بەرٸ رەسپۋبليكالىق دەڭگەيدە سايلاۋالدى ۋەدەلەردٸڭ 11%-تٸ جەنە ٶڭٸرلٸك دەڭگەيدە 12%-تٸ ورىندالدى. ناقتى تسيفرلارمەن كٶرسەتسەك, بۇل – 7,7 ملن. شارشى مەتر تۇرعىن ٷي, 12,2 مىڭ ورىنعا ارنالعان 34 مەكتەپ پەن 4,5 ورىنعا ارنالعان 68 بالاباقشا, 160 مىڭنان استام جۇمىس ورنى بار 77 جاڭا كەسٸپورىن. جىل سوڭىنا دەيٸن تاعى دا 200 ەرتٷرلٸ ەلەۋمەتتٸك نىسان, ونىڭ ٸشٸندە جاڭا مەكتەپتەر, اۋرۋحانالار جەنە ت.ب. پايدالانۋعا بەرٸلەدٸ. كٶلٸك جەنە ينجەنەرلٸك ينفراقۇرىلىمدى اۋقىمدى تٷردە دامىتۋ جەكە بلوك بويىنشا ٸسكە اسىرىلۋدا.
دوستار! مەملەكەت باسشىسى اتاپ ٶتكەندەي, «بٸز تۇعىرى مىعىم ەل بولۋ جولىندا كەدەرگٸلەردٸ ەڭسەرٸپ, قيىندىقتاردى جەڭٸپ كەلەمٸز. مۇنىڭ بەرٸنە بەرەكەلٸ بٸرلٸك پەن ەسەلٸ ەڭبەك ارقىلى جەتتٸك. ەلٸمٸز تەۋەلسٸزدٸك جىلناماسىنىڭ تٶرتٸنشٸ ونجىلدىعىنا قادام باسقالى تۇر. بۇل كەزەڭنٸڭ وڭاي بولمايتىنى قازٸردٸڭ ٶزٸندە ايقىن بايقالۋدا. سوندىقتان, كەز-كەلگەن سىن-قاتەرگە دايىن بولۋعا تيٸسپٸز. تىنىمسىز ٸزدەنٸپ, ۇدايى العا ۇمتىلۋىمىز قاجەت».
«Nur Otan» ادامدار يگٸلٸگٸ جولىندا جۇمىس ٸستەپ جاتقان ماقساتى ايقىن, ناقتى ٸستەر پارتيياسى رەتٸندە ەل باسشىلىعى قويعان مٸندەتتەر مەن قازاقستاندىقتار الدىنداعى ٶز سايلاۋالدى ۋەدەلەرٸنٸڭ بارلىعىنىڭ ٸسكە اسىرىلۋىن قامتاماسىز ەتەدٸ.
بٸز بٸرگەمٸز! قيىندىقتى ەڭسەرٸپ, جەڭٸسكە بٸرگە جەتەمٸز», -دەپ تٷيٸندەدٸ «Nur Otan» پارتيياسى تٶراعاسىنىڭ بٸرٸنشٸ ورىنباسارى ٶز جازباسىندا.
