QR Prezidenti Qasym-Jomart Toqaevtyń tóraǵalyǵymen Sheteldik investorlar keńesiniń 33-shi jalpy otyrysy bastaldy, dep habarlaidy QazAqparat.
Bul jolǵy otyrys barysynda shikizattyq emes eksportty damytý máselesi keńinen talqylanbaq. Is-sharaǵa iri turansulttyq kompaniialardyń basshylary, memlekettik organdardyń jetekshileri men halyqaralyq uiymdardyń ókilderi qatysýda. Jalpy otyrys barysynda Eýropalyq qaita qurý jáne damý bankiniń prezidenti Odil Reno-Basso sóz sóilep, QR Premer-Ministriniń orynbasary - Syrtqy ister ministri Muhtar Tileýberdi keńestiń 32-shi jalpy otyrysyndaǵy hattamalyq tapsyrmalardyń oryndalýy týraly, al Saýda jáne integratsiia ministri Baqyt Sultanov búgingi is-sharanyń negizgi taqyryby jaiynda sóz qozǵamaq.
Aita keteiik, Prezident janyndaǵy Sheteldik investorlar keńesi QR Konstitýtsiiasynyń 44-babynyń 20) tarmaqshasyna sáikes, QR Prezidentiniń 1998 jylǵy 30 maýsymdaǵy №3985 Jarlyǵymen quryldy. Sheteldik investorlar keńesi Qazaqstan Respýblikasy Prezidentiniń janyndaǵy konsýltativtik-keńesshi organ bolyp tabylady.
Memleket basshysy tóraǵalyq etetin keńestiń negizgi mindeti: Qazaqstan Respýblikasynyń investitsiialyq saiasatynyń negizgi baǵyttaryn aiqyndaý; Qazaqstan Respýblikasyndaǵy investitsiialyq ahýaldy jaqsartý; Qazaqstan Respýblikasynyń investitsiialar týraly normativtik quqyqtyq bazasyn jetildirý; Qazaqstan Respýblikasynyń ekonomikasyn ártaraptandyrýǵa, ónerkásip sektoryn indýstriialandyrýǵa, shaǵyn jáne orta biznesin damytýǵa sheteldik kompaniialardyń járdemdesýi; Qazaqstan Respýblikasynyń ekonomikasyn álemdik ekonomikalyq protsesterge integratsiialaý; Qazaqstan Respýblikasynyń ekonomikasyna sheteldik investitsiialardy tartý strategiiasy; Qazaqstan Respýblikasynyń halyqaralyq mańyzy bar iri investitsiialyq baǵdarlamalary men jobalaryn iske asyrý máseleleri boiynsha usynymdar men usynystar ázirleý.
Qazirgi ýaqytta keńes quramyna 37 iri transulttyq kompaniia men halyqaralyq uiymdardyń, negizgi ministrlikkterdiń basshylary kiredi.
