Salatanatty iske qosý rásimine Qazaqstan Respýblikasy Kólik ministriniń orynbasary Talǵat Lastaev, SCAT áýe kompaniiasynyń prezidenti Vladimir Denisov, Serbiia Respýblikasynyń Qazaqstandaǵy Tótenshe jáne Ókiletti elshisi Vladimir Iovchich jáne Nursultan Nazarbaev atyndaǵy halyqaralyq áýejai basqarma tóraǵasynyń birinshi orynbasary Rýslan Pyshtanov qatysty.
Tikelei qatynasty iske qosý týraly kelisimge Qazaqstan Prezidenti Qasym-Jomart Toqaevtyń Serbiiaǵa sapary kezinde qol jetkizildi. Joba Qazaqstan Respýblikasy Syrtqy ister ministrliginiń jáne Serbiiadaǵy Qazaqstan elshiliginiń qoldaýymen múmkin boldy.
Belgradqa kelgennen keiin qazaqstandyq delegatsiiany Serbiia Prezidenti Aleksandr Výchichtiń tapsyrmasymen Serbiia Ulttyq jinalysynyń spikeri Ana Brnabich jáne Kólik ministriniń orynbasary Verika Echmenitsa qarsy aldy.
«Astana men Belgrad arasyndaǵy tikelei reisterdiń ashylýy Qazaqstan men Serbiia arasyndaǵy bailanysty nyǵaitýdaǵy mańyzdy qadam bolyp tabylady. Jańa baǵyt bizdiń halyqtarymyz arasyndaǵy biznes, týrizm jáne mádeni yntymaqtastyq úshin jańa ashady», – dep atap ótti Talǵat Lastaev óz sózinde.
Qazaqstan men Serbiia arasynda vizasyz rejim bar. Ushý uzaqtyǵy 5 saǵat 40 minýt. Bul baǵyt boiynsha jolaýshylarǵa joǵary suranys kútilýde – alǵashqy reiste 92 jolaýshy boldy.
Astana-Belgrad-Astana reisteri aptasyna eki ret (dúisenbi jáne beisenbi) zamanaýi Boeing 737 ushaqtarymen oryndalady.
SCAT Airlines qazirgi ýaqytta eýropalyq qalalarǵa da reister oryndaidy:
Astana - Praga – aptasyna eki ret (seisenbi jáne senbi);
Shymkent - Býdapesht – aptasyna eki ret (seisenbi jáne beisenbi);
Shymkent - Miýnhen – aptasyna eki ret (seisenbi jáne beisenbi).
