Jazýshy, Qazaqstannyń eńbek sińirgen qairatkeri Shárbaný Beisenova Memleket basshysy Qasym-Jomart Toqaevtyń málimdemesine orai pikir bildirdi, dep habarlaidy QazAqparat.
«Memleket basyshysy halyq dúrbeleńge túspeý úshin úndeý aityp jatyr. Sonyń ishinde kótergen mańyzdy másele – dárigerlerdiń jumysyna qurmetpen qaraý, olardy syilaý, artyq ábigerge salyp, jalǵan aqparat taratpaý. Dárigerdi synaý úshin koronavirýs juqtyryp alǵany týraly jalǵan málimet berip, jedel járdem shaqyrǵandar bar. Olar dárigerlerdiń jumysyna qurmetpen qaraýy kerek», - deidi jazýshy Shárbaný Beisenova.
Sondai-aq, ol Memleket basshysy aýyl sharýashylyǵymen ainalysatyndarǵa qamqorlyq jasalatyny týraly aitqanyna toqtalyp ótti.
«Prezident aýyl sharýashylyǵymen ainalysatyndarǵa qamqorlyq jasalatyny týraly aityp, olardyń kóńilin jailandyryp tastady. Memleket basshysynyń halyq aldyna shyǵyp, toqtamǵa, sabyrǵa shaqyrýy óte durys dep oilaimyn. Halyqqa áleýmettik tólem beriletini de – úlken qoldaý», - deidi ol.
Aita keteiik, keshe Prezident Qasym-Jomart Toqaev respýblikalyq telearnalar efirinen málimdeme jasaǵan bolatyn.
.jpeg)