Memleket basshysy Qaraǵandy oblysyna jumys sapary aiasynda Ulytaý aýdanyndaǵy «Joshy han» tarihi-mádeni keshenin aralap kórdi, dep habarlaidy "Ult aqparat" Aqordaǵa silteme jasap.
Prezidentke Joshy han kesenesi, murajai, Joshy han eskertkishi, joryq shatyry jáne qonaq úiden turatyn keshenniń zamanaýi tehnologiialyq múmkindikteri men qordaǵy qundy jádigerler tanystyryldy.
Memleket basshysy qasietti tarihi nysannyń únemi ǵalymdardyń nazarynda bolyp, ǵylymi ainalymǵa túsýi kerek ekenine basa mán berdi.
– Kelesi jyly sheteldiń jáne elimizdiń belgili ǵalymdaryn shaqyryp, Altyn Ordaǵa bailanysty úlken halyqaralyq konferentsiia ótkizý kerek, – dedi Qasym-Jomart Toqaev.
Oblys ákimi Jeńis Qasymbek óńirdiń týristik áleýeti týraly baiandama jasap, Prezidentke kýrorttyq aimaqtar men tarihi-mádeni keshenderdi damytý josparyn usyndy. Josparǵa sáikes Ulytaý, Qarqaraly aýdandarynyń, Balqash qalasynyń týrizm salasyndaǵy áleýeti artyp, servistik jáne týristik infraqurylymdary damityn bolady.
