Foto: Aqorda
Memleket basshysy Qasym-Jomart Toqaev Úkimetke jasandy intellekt (JI) salasyna mamandanǵan jańa zertteý ýniversitetin qurýdy tapsyrdy. Prezidenttiń aitýynsha, oqý ornyna arnaiy mártebe berilip, álemdik úzdik ýniversitetter seriktes retinde tartylýy tiis, dep habarlaidy Ult.kz.
«Jańa ýniversitettiń basty maqsaty – ekonomikanyń barlyq salasyna jasandy intellekt tehnologiiasyn engizetin bilikti mamandardy daiarlaý. Bul oqý orny ǵylym-bilim, innovatsiia jáne halyqaralyq bailanys ortalyǵyna ainalýy kerek», – dedi Q.Toqaev.
Prezident JI-dy bilim berý júiesine keńinen engizýdiń mańyzyn erekshe atap ótti. Onyń aitýynsha, derbes oqytý úlgisi ár oqýshynyń qabiletine sai jeke baǵdarlama jasaýǵa múmkindik beredi. Bul jastardyń áleýetin ashyp, oqýǵa yntasyn arttyrady.
Sonymen qatar, Memleket basshysy oqýshylardyń ulttyq tsifrlyq profilin qalyptastyrýdy tapsyrdy. Onda ár balanyń úlgerimi, jetistikteri men qabiletteri tirkelip, bolashaq mamandyǵyn tańdaýǵa jol ashylady.
Prezident muǵalimderdiń kúndelikti júktemesin azaityp, JI-dyń test ázirleý, jaýaptardy tekserý, jeke tapsyrmalar daiyndaý sekildi fýnktsiialaryn paidalaný qajet ekenin aitty. Degenmen, «muǵalimniń janashyrlyǵyn eshbir tehnologiia almastyra almaidy», dep atap ótti.
Q.Toqaev JI-dy engizý qala men aýyl, ortalyq pen aimaq arasyndaǵy bilim teńsizdigin qysqartýǵa múmkindik beretinin, sonymen qatar erekshe bilim berý qajettilikteri bar balalardy qoldaýǵa jol ashatynyn aitty.
«Bizdiń maqsatymyz – inkliýzivti bilim berý ortasyn qalyptastyrý. Jasandy intellekt el múddesine qyzmet etip, ulttyq qundylyqtarymyzdy saqtaýǵa tiis», – dedi Prezident.
Onyń tapsyrmasyna sáikes, Úkimet ulttyq bilim berý platformasyn ázirlep, memlekettik standartqa sáikes sapaly kontent usynýǵa tiis.
