Foto: Aqorda
Qasym-Jomart Toqaevtyń Jambyl oblysyna jumys sapary «Ámir jáne D» jaýapkershiligi shekteýli seriktestiginiń qyzmetimen tanysýdan bastaldy, dep habarlaidy Ult.kz.
Kásiporyn meditsinalyq buiymdar men dárilik zattar óndiredi.
Prezidentke meditsinalyq preparattar men daiyn ónim túrlerin shyǵaratyn negizgi tsehtyń jumysy kórsetildi.
«Ámir jáne D» JShS-i áleýmettik mańyzy bar aýrýlardy diagnostikalaýǵa arnalǵan jedel testilerdiń kóptegen túrin shyǵarady. Bul ónimder V jáne S gepatitin, VICh-infektsiiasyn, miokard talmasyn, sondai-aq esirtki jáne psihotropty zattardy anyqtai alady.
Kásiporynǵa tiesili meditsinalyq buiymdardyń 200-den asa ataýly túri bar. Búginde seriktestikte 94 qyzmetker eńbek etedi.
Memleket basshysyna «Super-pharm» farmatsevtikalyq kompaniiasynyń jumysy týraly aqparat berildi.
Bul – elimizde meditsinalyq buiymdar óndiretin jetekshi kásiporyndardyń biri. Zaýytta 600-den asa eńbekker jumys isteidi.
Kompaniia otandyq naryqtaǵy bir rettik qoldanýǵa arnalǵan meditsinalyq buiymdarǵa suranystyń 30 paiyzyn qamtamasyz etedi.
Atap aitqanda, kásiporyn túrli operatsiialar úshin hirýrgiialyq jáne protsedýralyq jiyntyqtardy, meditsinalyq betperdeniń barlyq túrin, birrettik qorǵanysh kiimin, sanitarlyq-gigienalyq maqsattaǵy buiymdardy óndiredi. Sonymen qatar meditsinalyq shpritster, infýziondy jáne qandy qaita quiýǵa arnalǵan sistema quraldary, basqa da ónimder daiyndalady.
Prezident otandyq farmatsevtika indýstriiasynyń damýy importqa táýeldilikti tómendetip, ulttyq densaýlyq saqtaý júiesin nyǵaitýda mańyzdy ekenin atap ótti.
