Foto: Akorda.kz
Memleket basshysy «ZENITH» zaýytynyń jumysymen tanysty, dep habarlaidy "Ult aqparat" Aqordanyń resmi saityna silteme jasap.
Kásiporyn qurylys materialdaryn shyǵarýmen jáne túrli maqsatta qoldanylatyn nysandar salýmen ainalysady.
Qasym-Jomart Toqaev kásiporyn tsehtaryn aralap, zaýyt ónimderimen tanysty. Munda beton, irgetas bloktary, kirpish sekildi qurylys materialdary óndiriledi. Taiaýda zaýytta tómen qysymdy polietilennen diametri úlken qubyrlar shyǵaratyn óndiristik jeli iske qosyldy. Ónim sharýashylyq-aýyzsý jáne tehnikalyq sýmen jabdyqtaý qubyrlaryn salýda keńinen qoldanylady.
Kásiporyn basshylyǵynyń aitýynsha, búginde óndiris infraqurylymyna 20 milliard teńge shamasynda investitsiia quiylǵan. Sonymen qatar zaýyt memlekettik-jekeshelik áriptestik qaǵidaty boiynsha áleýmettik turǵyn úiler salýǵa qatysady. Kásiporyn jańa óndiristerdi iske qosyp, kóppáterli túrǵyn úilerdi paidalanýǵa berýdi, sonyń ishinde memlekettik baǵdarlama aiasynda jylyna 100 myń sharshy metr turǵyn úi salýdy josparlap otyr.
Zaýyt ujymymen áńgimelesý barysynda Prezident otandyq qurylys indýstriiasyn damytýdyń mańyzdy ekenin atap ótti.
– Cizder ekonomikamyzdyń laiyqty sektoryna ainaldyńyzdar. Osy sala memleket tarapynan qoldaýǵa ie bolýyna múddelimin. Álbette, biz adal seriktes retinde qoldaý bildiremiz. Taǵy da qaitalap aitamyn. Shaǵyn jáne orta biznestegi ahýal búkil ekonomikamyzdyń damýyna eleýli túrde yqpal etedi. Sondyqtan sizder meniń udaiy nazarymda bolasyzdar, – dedi Memleket basshysy.
