فوتو: Akorda.kz
مەملەكەت باسشىسى «ZENITH» زاۋىتىنىڭ جۇمىسىمەن تانىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەسٸپورىن قۇرىلىس ماتەريالدارىن شىعارۋمەن جەنە تٷرلٸ ماقساتتا قولدانىلاتىن نىساندار سالۋمەن اينالىسادى.
قاسىم-جومارت توقاەۆ كەسٸپورىن تسەحتارىن ارالاپ, زاۋىت ٶنٸمدەرٸمەن تانىستى. مۇندا بەتون, ٸرگەتاس بلوكتارى, كٸرپٸش سەكٸلدٸ قۇرىلىس ماتەريالدارى ٶندٸرٸلەدٸ. تاياۋدا زاۋىتتا تٶمەن قىسىمدى پوليەتيلەننەن ديامەترٸ ٷلكەن قۇبىرلار شىعاراتىن ٶندٸرٸستٸك جەلٸ ٸسكە قوسىلدى. ٶنٸم شارۋاشىلىق-اۋىزسۋ جەنە تەحنيكالىق سۋمەن جابدىقتاۋ قۇبىرلارىن سالۋدا كەڭٸنەن قولدانىلادى.
كەسٸپورىن باسشىلىعىنىڭ ايتۋىنشا, بٷگٸندە ٶندٸرٸس ينفراقۇرىلىمىنا 20 ميلليارد تەڭگە شاماسىندا ينۆەستيتسييا قۇيىلعان. سونىمەن قاتار زاۋىت مەملەكەتتٸك-جەكەشەلٸك ەرٸپتەستٸك قاعيداتى بويىنشا ەلەۋمەتتٸك تۇرعىن ٷيلەر سالۋعا قاتىسادى. كەسٸپورىن جاڭا ٶندٸرٸستەردٸ ٸسكە قوسىپ, كٶپپەتەرلٸ تٷرعىن ٷيلەردٸ پايدالانۋعا بەرۋدٸ, سونىڭ ٸشٸندە مەملەكەتتٸك باعدارلاما اياسىندا جىلىنا 100 مىڭ شارشى مەتر تۇرعىن ٷي سالۋدى جوسپارلاپ وتىر.
زاۋىت ۇجىمىمەن ەڭگٸمەلەسۋ بارىسىندا پرەزيدەنت وتاندىق قۇرىلىس يندۋستريياسىن دامىتۋدىڭ ماڭىزدى ەكەنٸن اتاپ ٶتتٸ.
– Cٸزدەر ەكونوميكامىزدىڭ لايىقتى سەكتورىنا اينالدىڭىزدار. وسى سالا مەملەكەت تاراپىنان قولداۋعا يە بولۋىنا مٷددەلٸمٸن. ەلبەتتە, بٸز ادال سەرٸكتەس رەتٸندە قولداۋ بٸلدٸرەمٸز. تاعى دا قايتالاپ ايتامىن. شاعىن جەنە ورتا بيزنەستەگٸ احۋال بٷكٸل ەكونوميكامىزدىڭ دامۋىنا ەلەۋلٸ تٷردە ىقپال ەتەدٸ. سوندىقتان سٸزدەر مەنٸڭ ۇدايى نازارىمدا بولاسىزدار, – دەدٸ مەملەكەت باسشىسى.
