Memleket basshysy Nursultan Nazarbaev ulttyq telekópir barysynda Shymkent qalasyndaǵy «Himfarm» aktsionerlik qoǵamynyń qatty dáriler shyǵaratyn tsehyn iske qosty, dep habarlaidy "Ult aqparat".
Jalpy quny 13,5 mln AQSh dollary bolatyn bul joba kásipkerlikti qoldaý kartasy aiasynda júzege asyryldy. Ónimniń 80 paiyzy ishki naryqqa, qalǵan 20 paiyzy eksportqa jiberiledi dep josparlanýda.
Qatty dári shyǵaratyn óndiris tsehy zamanaýi qurylǵylarmen jabdyqtalǵan. Munda 72 adam jumyspen qamtylsa, olardyń basym bóligi arnaiy Polpharma tobynyń úzdik óndiris oryndarynda oqyp kelgen. Bul joba - Shymkenttegi investitsiialyq jobanyń mańyzdy bir bóligi bolyp tabylady.
Kompaniianyń bas direktory Iji Ýrbanets osymen tórtinshi tsehtyń ashylyp otyrǵanyn jetkizdi.
«Biz jalpy kólemi 108 mln dollar kóleminde investitsiia quiýdy josparlap otyrmyz. Jańa tsehty iske qosqannan keiin biz eksporttyq áleýetimizdi 5 mlrd teńgege jetkize alamyz. «Himfarmnyń» atynan farmatsevtikalyq salany qoldap, investorlarǵa yńǵaily jaǵdai jasaǵanyńyz úshin alǵys aitamyz», - dedi Ýrbanets.
Búgingi tańda zaýytta 1200-den astam joǵary bilikti maman jumys isteidi. Óndiristiń barlyǵy álemdik sapa standartyna sai keledi. «Himfarm» AQ jobalary Prezidenttiń farmatsevtikalyq saladaǵy otandyq óndiris úlesin arttyrý tapsyrmasymen indýstrialandyrý jáne jahandyq jańarý baǵdarlamasy aiasynda júzege asyrylýda.
Salalyq GMP standaryna tolyq sai keletinin bul tsehta jylyna túrli dertti emdeýge arnalǵan 20 millionnan astam qorap dári shyǵarylady. Aldaǵy ýaqytta tseh jylyna 600 million tabletka shyǵarýdy josparlap otyr. Oǵan múmkindigimiz tolyq jetedi deidi kompaniia ókilderi.
