Qasym-Jomart Toqaev Ulttyq qoǵamdyq senim keńesiniń músheleri Erlan Sairov pen Muhtar Taijandy qabyldady, dep habarlaidy "Ult aqparat" Aqordaǵa silteme jasap.
Erlan Sairovpen áńgime barysynda elimizdegi qoǵamdyq-saiasi jaǵdai jáne áleýmettik-rýhani máseleler, memlekettiń aimaqtyq damýy týraly talqylandy.
Sonymen qatar kezdesýde Prezidenttiń Qazaqstan halqyna Joldaýynyń basym baǵyttary, elimizdiń keibir shekaralyq aýdandarynyń damýy, kópbalaly otbasylardy baspanamen qamtý jáne jas urpaqqa sapaly bilim berý jaǵdaiy sóz boldy.
Muhtar Taijanmen ótken kezdesýde jer máselesi, áskeri-patriottyq tárbie berý, qylmystyq jazasyn ótegen azamattardy jumysqa ornalastyrý jaiy qozǵaldy.
Sondai-aq kezdesý barysynda óńirlerdegi azamattardy baspanamen jáne jumyspen qamtý, jol salý, ekologiia máseleleri aityldy.
