Qasym-Jomart Toqaev Ulttyq qoǵamdyq senim keńesiniń múshelerimen kezdesti, dep habarlaidy Aqorda.
Qoǵam qairatkeri, «BTS Digital» bilim berý jobasynyń jetekshisi Saiasat Nurbekpen kezdesý barysynda kásiptik-tehnikalyq bilim berý isin jáne eńbek naryǵyn damytý máseleleri talqylandy.
Saiasat Nurbek Prezidentke «Jańa mamandyqtar atlasy» ulttyq jobasynyń júzege asyrylýy jaiynda aitty. Onyń pikirinshe, atalǵan joba jastardyń mamandyq tańdaýyna jáne aldaǵy ýaqytta elimizde suranysqa ie bolatyn kásipterdi meńgerýine kómektesedi.
Memleket basshysy bilim berý salasynda jańa ǵylymi ádisterdi jáne tehnologiialyq sheshimderdi qoldanýdyń mańyzdylyǵyn atap ótti. Qasym-Jomart Toqaevtyń aitýynsha, bilim júiesin jańǵyrtýǵa bailanysty máseleler Ulttyq qoǵamdyq senim keńesiniń kezekti otyrysynyń kún tártibine engiziledi.
Ekonomikalyq saiasat institýtynyń prezidenti Qaiyrbek Arystanbekovpen kezdesýde ulttyq ekonomikany damytý, memlekettiń áleýmettik saiasatynyń tiimdiligin jaqsartý máseleleri qarastyryldy. Qazaqstan Prezidentine Institýttyń júrgizgen zertteý jumystarynyń nátijeleri baiandaldy.
