Qazaqstan Prezidenti Qasym-Jomart Toqaev Ulttyq qoǵamdyq senim keńesiniń múshesi Raýan Kenjehanulyn qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidentine Abai Qunanbaiulynyń 175 jyldyǵyna arnalǵan is-sharalar aiasynda berilgen tapsyrma boiynsha aqyn shyǵarmalarynyń on tilge aýdarylǵany jóninde esep berildi. Qasym-Jomart Toqaevqa «Rýhani jańǵyrý» baǵdarlamasy aiasynda oqýlyqtardyń qazaq tiline aýdarylýy týraly baiandaldy. Raýan Kenjehanulynyń aitýynsha, bul joba jyl aiaǵyna deiin aiaqtalady. Jalpy 100-den astam oqýlyq aýdarylǵan.
Kezdesý barysynda balalar arasyndaǵy sýitsidtiń aldyn alý máselesine, bilim berýdiń onlain-platformasyn damytýǵa, sondai-aq, aýdarma jáne terminologiia salalaryna qatysty máseleler talqylandy.
Kezdesý qorytyndysy boiynsha Memleket basshysy atalǵan máselelerdiń mańyzdy ekenin atap ótip, múddeli memlekettik organdarǵa úkimettik emes uiymdarmen birlesip, olardy pysyqtaýdy tapsyrdy.
