Qazaqstan Prezidenti Qasym-Jomart Toqaev Ulttyq qaýipsizdik komiteti alqasynyń keńeitilgen otyrysyn ótkizdi, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy ótkizgen jiynǵa Ulttyq qaýipsizdik komiteti ortalyq apparatynyń jáne aimaqtyq bólimsheleriniń basqarýshy quramy qatysty.
Jiyn aldynda Qasym-Jomart Toqaev qyzmettik mindetterin atqarý kezinde qaza bolǵan UQK organdary qyzmetkerlerin eske alýǵa arnalǵan stelaǵa gúl shoqtaryn qoidy. Sondai-aq UQK ortalyq apparatynyń 2017 jyly qaita jóndeýden ótken mýzeiindegi Táýelsizdik alǵan sátten bergi komitettiń damý tarihyn qamtityn ekspozitsiiany kórdi.
Otyrys barysynda Qazaqstan Prezidenti UQK Tóraǵasy Kárim Másimovtiń baiandamasyn, komitettiń qurylymdyq jáne aimaqtyq organdary basshylarynyń esebin tyńdady.
Jiyn sońynda Memleket basshysy Ulttyq qaýipsizdik júiesin odan ári jetildirý maqsatynda birqatar naqty tapsyrma berdi.
