Densaýlyq saqtaý ministriniń usynystary men talaptary Úkimettiń ózge músheleri men ákimder úshin birinshi kezekte oryndalatyn mindet bolýǵa tiis. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy "Ult aqparat" Aqorda baspasóz qyzmetiniń Twitter-degi paraqshasyna silteme jasap.
«Bul tótenshe jaǵdai bolǵandyqtan, pandemiiaǵa qatysty barlyq sheshimderdi jedel qabyldaýymyz kerek. Densaýlyq saqtaý ministriniń usynystary men talaptary Úkimettiń ózge músheleri men ákimder úshin birinshi kezekte oryndalatyn mindet bolýǵa tiis», - dedi Memleket basshysy.
Qasym-Jomart Toqaev pandemiia kezinde Densaýlyq saqtaý ministrin erekshe mártebege jáne quzyretke ie dep esepteý qajettigin basa aitty.
«Ministrlikke pandemiiamen kúres jónindegi kúndelikti eseptiń jáne aqparattyń berilýin qamtamasyz etýdi Úkimet pen ákimdikterge tapsyramyn», - dedi QR Prezidenti.
