Memleket basshysy «Qazaqstan Respýblikasynyń Úkimeti men Túrki Akademiiasy arasyndaǵy Túrki Akademiiasyn ornalastyrýdyń sharttary men tártibi týraly kelisimdi ratifikatsiialaý týraly» Qazaqstan Respýblikasynyń Zańyna qol qoidy, dep habarlaidy Aqorda.
Zańnyń mátini baspasózde jariialanady.
Zań Halyqaralyq Túrki akademiiasynyń Qazaqstan aýmaǵyndaǵy jumysyn retteýge arnalǵan. Atap aitqanda, akademiianyń jergilikti jáne sheteldik qyzmetkerleri Qazaqstannyń Syrtqy ister ministrliginde akkreditatsiiadan ótýi kerek jáne ǵimaratta Túrki keńesi men Túrki keńesine múshe memleketterdiń týlary da ilinýi múmkin.
Kelisim túrkitildes memleketterdiń yntymaqtastyǵyn odan ári nyǵaitýǵa baǵyttalǵan. Akademiianyń qazirgi músheleri - Qazaqstan, Qyrǵyzstan, Ázerbaijan jáne Túrkiia. Vengriia baqylaýshy mártebesine ie.
