Memleket basshysy Qasym-Jomart Toqaev týǵan kúnin qalai atap ótedi degen suraqqa QR Prezidentiniń baspasóz hatshysy Berik Ýáli jaýap berdi, dep habarlaidy "Ult aqparat".
«Búgin azannan beri birqatar buqaralyq aqparat quraldarynyń ókilderi habarlasyp, «Memleket basshysy týǵan kúnin qalai atap ótedi?» dep surap jatyr. Bul jaiynda byltyr arnaiy túsinikteme bergen edik. Degenmen taǵy bir márte aita keteiik.
17 mamyr - ádettegidei jumys kúni. Prezident Qasym-Jomart Toqaev bekitilgen kestege sáikes jumys isteidi. Sondyqtan eshqandai is-shara uiymdastyrylmaidy, tipti, Ákimshilik qyzmetkerlerine de Prezidentti quttyqtaýǵa ruqsat etilmedi. Memleket basshysy úshin búgin qalypty jumys kúni. Onyń áýletinde balalardyń da, úlkenderdiń de týǵan kúnin toilaý dástúri qalyptaspaǵan», - dep jazdy Berik Ýáli jelidegi paraqshasynda.
Sonymen qatar ol Prezidentke quttyqtaýlar legi kelip jatqanyn jetkizdi.
«Qazirdiń ózinde kórshi memleketterdiń basshylary jáne Úkimet, Parlament, halyqaralyq uiymdardyń jetekshileri júrekjardy tilekterin jedelhattar arqyly joldaýda, sondai-aq, telefon shalyp quttyqtaýda. Quttyqtaýlar tolassyz kelip jatyr», - dep tolyqtyrdy ol.
