Memleket basshysy Qasym-Jomart Toqaev Tájikstan Prezidenti Emomali Rahmonmen kezdesti, dep habarlaidy Aqorda.
Qazaqstan Prezidentiniń Tájikstanǵa jumys sapary osy eldiń basshysy Emomali Rahmonmen kezdesýden bastaldy. Kezdesý barysynda Qasym-Jomart Toqaev Emomali Rahmonǵa qonaqjailylyǵy úshin rizashylyǵyn bildirdi.
Prezident Dýshanbe qalasynda ótetin UQShU Ujymdyq qaýipsizdik keńesiniń sessiiasy men Shanhai yntymaqtastyq uiymyna múshe memleketter basshylary keńesiniń otyrysynda ózekti jahandyq máselelerdi talqylaý asa mańyzdy ekenin aitty.
«Qonaqjai Tájik eliniń, Dýshanbe qalasynyń aldaǵy samitterge daiyndyǵy óte joǵary deńgeide eken. Bizdiń tarap ministrler deńgeiinde qajetti qujattardy pysyqtady. Qol qoiylatyn qujattardy otyrys barysynda jan-jaqty talqylaimyz dep oilaimyn», — dedi Qazaqstan Prezidenti.
Taraptar ekijaqty formatta da, kópjaqty qurylymdar aiasynda da birlesken is-qimyldardy úilestirýge daiyn ekenin atap ótti.
