مەملەكەت باسشىسى قاسىم-جومارت توقاەۆ تەجٸكستان پرەزيدەنتٸ ەمومالي راحمونمەن كەزدەستٸ, دەپ حابارلايدى اقوردا.
قازاقستان پرەزيدەنتٸنٸڭ تەجٸكستانعا جۇمىس ساپارى وسى ەلدٸڭ باسشىسى ەمومالي راحمونمەن كەزدەسۋدەن باستالدى. كەزدەسۋ بارىسىندا قاسىم-جومارت توقاەۆ ەمومالي راحمونعا قوناقجايلىلىعى ٷشٸن ريزاشىلىعىن بٸلدٸردٸ.
پرەزيدەنت دۋشانبە قالاسىندا ٶتەتٸن ۇقشۇ ۇجىمدىق قاۋٸپسٸزدٸك كەڭەسٸنٸڭ سەسسيياسى مەن شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ وتىرىسىندا ٶزەكتٸ جاھاندىق مەسەلەلەردٸ تالقىلاۋ اسا ماڭىزدى ەكەنٸن ايتتى.
«قوناقجاي تەجٸك ەلٸنٸڭ, دۋشانبە قالاسىنىڭ الداعى ساميتتەرگە دايىندىعى ٶتە جوعارى دەڭگەيدە ەكەن. بٸزدٸڭ تاراپ مينيسترلەر دەڭگەيٸندە قاجەتتٸ قۇجاتتاردى پىسىقتادى. قول قويىلاتىن قۇجاتتاردى وتىرىس بارىسىندا جان-جاقتى تالقىلايمىز دەپ ويلايمىن», — دەدٸ قازاقستان پرەزيدەنتٸ.
تاراپتار ەكٸجاقتى فورماتتا دا, كٶپجاقتى قۇرىلىمدار اياسىندا دا بٸرلەسكەن ٸس-قيمىلداردى ٷيلەستٸرۋگە دايىن ەكەنٸن اتاپ ٶتتٸ.
