QR Prezidenti Qasym-Jomart Toqaev halyqtyń kókeiinde júrgen sheteldikterge jer satý máselesine núkte qoiyp berdi. Bul týraly L.Gýmilev atyndaǵy Eýraziia ulttyq ýniversiteti Teleradio jáne qoǵammen bailanys kafedrasynyń meńgerýshisi, filologiia ǵylymdarynyń kandidaty Serikzat Dúisenǵazy bildirdi, dep habarlaidy QazAqparati.
«Elimizdiń Prezidenti Qasym-Jomart Kemelulynyń biylǵy Joldaýyn tolyq tyńdadym. Memleket basshysy el kókeiinde júrgen kóptegen mańyzdy máselelerge toqtaldy. Ásirese, qazirgi jaǵdaiǵa bailanysty Úkimettiń jumysyn júieli uiymdastyrý, saiasi-ekonomikalyq ahýaldy jaqsartý, qarjy júiesin, aýyl sharýashylyǵyn, shaǵyn jáne orta biznesti, quqyq qorǵaý salasyn damytýǵa bailanysty naqty tapsyrmalar berdi. Ásirese, qazirgi halyqtyń kókeiinde júrgen sheteldikterge jer satý máselesine núkte qoiyp berdi», - dedi ol.
Serikzat Dúisenǵazy ǵylym-bilim salasyn damytý boiynsha da Memleket basshysy Úkimetke birqatar tapsyrma bergendigine nazar aýdartady.
«Máselen, 500 ǵalymnyń sheteldik taǵylymdamadan ótýi, jas ǵalymdardyń ǵylymi áleýetin kóterý úshin 1 000 grant bólý, taǵy sol siiaqty mańyzdy bastamalary elimizdegi ǵylym salasynyń damýyna yqpal etedi dep senemin. Pedagogtardyń jalaqysyn 25 paiyzǵa kóterý, mektepke deiingi balalardyń balabaqsha máselesin 100 paiyzǵa sheshý siiaqty tapsyrmalary da kóńilden shyqty. Shaǵyn jáne orta biznesti damytý úshin sýbsidiia berý, salyq júiesin retteý, áleýmettik jaǵdaiy tómen otbasylardyń baspanaly bolýy úshin zeinetaqy qorynyń bir bóligin paidalanýdy júzege asyrý syndy Joldaýda aitylǵan halyqqa qajetti tapsyrmalaryn tolyqtai qoldaimyn. Prezidenttiń aitqan barlyq tapsyrmalaryn Úkimetimiz múltiksiz oryndaidy dep senemin», - dedi kafedra meńgerýshisi.
