Qazaqstan Prezidenti Nursultan Nazarbaev QR Prezidentiniń janyndaǵy Sheteldik investorlar keńesiniń 31-shi plenarlyq otyrysynda atalmysh keńestiń jańa múshelerin tanystyrdy, dep habarlaidy QazAqparat tilshisi.
«Jumysqa kirispes buryn men Sizderge keńestiń jańa múshelerin tanystyryp óteiin. Olar - «Ekson mobil prodakshn» kompaniiasynyń Prezidenti Nil Daffin, «Eýraziialyq damý bankiniń» Basqarma tóraǵasy Andrei Belianinov, «Philip Morris International» (PMI) kompaniiasynyń Shyǵys Eýropa boiynsha Prezidenti Marko Mariotti, «Marýbeni korporeishon» kompaniiasy tóraǵasynyń orynbasary Shigerýa Iamazýia. Keńestiń músheligine sonymen qatar, Qazaqstannyń tarapynan «Atameken» UKP Basqarma tóraǵasy Abylai Myrzahmetov endi. Sonymen birge, keńeske múshelikke ený týraly ózge de ótinimder bar. Olardyń bári de biz bekitken tártip boiynsha qaralady», - dedi Prezident.
Prezidenttiń aitýynsha, búgingi tańda álem tsifrlandyrý dáýirine, Tórtinshi ónerkásiptik revoliýtsiiaǵa ótip keledi.
«Álemde tereń tehnologiialyq ózgerister bolyp jatyr. Mine, dál osy taqyryp bizdiń búgingi talqynyń taqyrybyn aiqyndap berdi. Osy baǵytta birshama baǵdarlamalardy júzege asyryp jatyrmyz», - dedi Memleket basshysy.
Eske sala ketsek, búgin Astanadaǵy «Táýelsizdik saraiynda» Prezident Nursultan Nazarbaevtyń qatysýymen Sheteldik investorlar keńesiniń otyrysy bastaldy.
