Foto: Akorda.kz
Memleket basshysy Qazaqstan shahmat federatsiiasynyń prezidenti Timýr Týrlovty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda elimizde shahmatty damytý máseleleri talqylandy.
Qasym-Jomart Toqaevqa jýyrda Qazaqstanda Halyqaralyq shahmat federatsiiasymen (FIDE) birlesip uiymdastyrylǵan halyqaralyq týrnirlerdiń qorytyndysy jóninde málimet berildi.
Timýr Týrlov fedaratsiianyń aldaǵy kezeńge arnalǵan jospary týraly aitty. Atap aitqanda, federatsiia elimizdegi shahmat sektsiialarynyń sanyn 2 ese, iaǵni 7 myńnan 14 myńǵa deiin ulǵaitýdy, shahmatty odan ári dáripteý jumystaryn jalǵastyrýdy, osylaisha ziiatkerlik ult qalyptastyrýǵa úles qosý jónindegi Prezident tapsyrmalaryn oryndaýdy kózdeidi. Sondai-aq federatsiia Qazaqstan quramasy kóshbasshylarynyń áleýetin tanytýdy, jańa chempiondardy tárbielep shyǵarýdy maqsat etip otyr.
Memleket basshysyna álem chempiony ataǵy úshin biyl 7 sáýir men 1 mamyr aralyǵynda Astanada ótetin shahmat jarysyna daiarlyq barysy týraly baiandaldy.
Qasym-Jomart Toqaev otandyq shahmat sheberleriniń halyqaralyq arenadaǵy jetistikterine joǵary baǵa berdi. Onyń aitýynsha, elimizde álemniń úzdik shahmatshylarynyń qatysýymen iri jarystar uiymdastyrý balalar men jastar arasynda osy sport túriniń tanymaldylyǵyn arttyrýǵa yqpal etedi.
