فوتو: Akorda.kz
مەملەكەت باسشىسى قازاقستان شاحمات فەدەراتسيياسىنىڭ پرەزيدەنتٸ تيمۋر تۋرلوۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا ەلٸمٸزدە شاحماتتى دامىتۋ مەسەلەلەرٸ تالقىلاندى.
قاسىم-جومارت توقاەۆقا جۋىردا قازاقستاندا حالىقارالىق شاحمات فەدەراتسيياسىمەن (FIDE) بٸرلەسٸپ ۇيىمداستىرىلعان حالىقارالىق تۋرنيرلەردٸڭ قورىتىندىسى جٶنٸندە مەلٸمەت بەرٸلدٸ.
تيمۋر تۋرلوۆ فەداراتسييانىڭ الداعى كەزەڭگە ارنالعان جوسپارى تۋرالى ايتتى. اتاپ ايتقاندا, فەدەراتسييا ەلٸمٸزدەگٸ شاحمات سەكتسييالارىنىڭ سانىن 2 ەسە, ياعني 7 مىڭنان 14 مىڭعا دەيٸن ۇلعايتۋدى, شاحماتتى ودان ەرٸ دەرٸپتەۋ جۇمىستارىن جالعاستىرۋدى, وسىلايشا زيياتكەرلٸك ۇلت قالىپتاستىرۋعا ٷلەس قوسۋ جٶنٸندەگٸ پرەزيدەنت تاپسىرمالارىن ورىنداۋدى كٶزدەيدٸ. سونداي-اق فەدەراتسييا قازاقستان قۇراماسى كٶشباسشىلارىنىڭ ەلەۋەتٸن تانىتۋدى, جاڭا چەمپيونداردى تەربيەلەپ شىعارۋدى ماقسات ەتٸپ وتىر.
مەملەكەت باسشىسىنا ەلەم چەمپيونى اتاعى ٷشٸن بيىل 7 سەۋٸر مەن 1 مامىر ارالىعىندا استانادا ٶتەتٸن شاحمات جارىسىنا دايارلىق بارىسى تۋرالى باياندالدى.
قاسىم-جومارت توقاەۆ وتاندىق شاحمات شەبەرلەرٸنٸڭ حالىقارالىق ارەناداعى جەتٸستٸكتەرٸنە جوعارى باعا بەردٸ. ونىڭ ايتۋىنشا, ەلٸمٸزدە ەلەمنٸڭ ٷزدٸك شاحماتشىلارىنىڭ قاتىسۋىمەن ٸرٸ جارىستار ۇيىمداستىرۋ بالالار مەن جاستار اراسىندا وسى سپورت تٷرٸنٸڭ تانىمالدىلىعىن ارتتىرۋعا ىقپال ەتەدٸ.
