Memlekettik basshysy Q.I.Sátbaev atyndaǵy Qazaq ulttyq tehnikalyq zertteý ýniversitetiniń rektory Eskendir Beisembetovti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidentine ýniversitettiń damý perspektivalary men ǵylymi-zertteý jumystarynyń nátijeleri jóninde málimet berildi.
Nursultan Nazarbaev oqý ornynyń otandyq bilim berý júiesinde erekshe oryn alatynyn atap ótip, indýstriialandyrý baǵdarlamasynyń talaptaryna sáikes joǵary bilikti mamandar daiarlaýdyń mańyzdylyǵyn aitty.
– Qanysh Sátbaev atyndaǵy Ulttyq tehnikalyq ýniversitet – injener maman daiarlaityn eń iri oqý oryndarynyń biri. Biz ony damytý úshin qajetti jaǵdaidyń bárin jasap kelemiz. Ýniversitetke derbestik berilgen. Sonymen qatar, bul oqý ordasy zertteý ýniversitetine ainaldy, – dedi Qazaqstan Prezidenti.
E.Beisembetov qoldanbaly jobalardy júzege asyrý úshin qabyldanyp jatqan sharalardy, sondai-aq álemdik úrdisterdi eskere otyryp, bilim berý sapasyn arttyrý úshin atqarylǵan jumystar jóninde baiandady.
.jpeg)